№ 28 1620р. - З листа Сиґізмунда ІІІ луцьким урядникам і міщанам про заборону будувати братську церкву та школу
[...] Славетные, верне нам милые! Дано нам справу, иж найдуютсе межи вами некоторые особы, которые, выламуючисе з юрысдикции владыки луцкого, на зневагу его, без жодного позволения его, яко на пастера там того местца и старшего преложоного религии кгрецкое и овшем упорне и свавольне церковь и школу якуюсь новую, называючи то Брацтвом милосердя, в том же месте нашом Луцку заложили.
Которым заложенем тое церкви унию, през антецесоров поме- неного велебного отца владыки луцкого, за позволенем всего духовенства, в том панстве нашом будучего, принятую и до панств наших святобливе внесеную, а за тым зверхность пастырскую помененого отца владыки луцкого, за сполную на то радою и помочю вашою, затлумити усилуют. Што иж се диет мимо ведомость нашу, на уйму юриздиций помеленого владыки луцкого, противко правом и вше- лякой слушности, на знесене тое светобливое едно сти, про то мы, зичечи, абы в местах наших ничого за приватными чиими замыслами, без ведомости и позволения нашего, се не деяло, хотечи, абы тая справа, которая есть владзы и зверхности пастыра тамтого местца уближаючая и вшелякой слушности противная, далей се не ширила. Расказуемо конечне, как мети хотечи, абысте таким свовольным юрыздициом, которые не могут быти, одно з великим помешанем и уближенем юрыздиций нашое и помененого велебного отца владыки луцкого, множитисе не допусчали, и ремесником местским под строкгим каранем нашим будуванья там- тое церкви и школы занехати рассказали [...].Історія України: Хрестоматія: У 2 ч. - К., 2004. - Ч. 1 / Упоряд. Б. І. Білик та ін. - С. 255.
Еще по теме № 28 1620р. - З листа Сиґізмунда ІІІ луцьким урядникам і міщанам про заборону будувати братську церкву та школу:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -