№ 16 1592р., лютого 2, Краків. - Королівський декрет про звільнення київського воєводи князя Костянтина Острозького від сплати податків з маєтків Костянтинівської волості у Кременецькому повіті Волинського воєводства, спустошених татарами й козацькими повстанськими загонами
Жикгимонт третий
Ознаймуем тым листомъ нашим всихъ посполите и каждому зособна, ни- нешнимъ и напотомъ будучим, иж з декрету нашого судового, в Кракове в року теп[ер] минуломъ деветдесят пятомъ месеца октебра третегонадцать дня учиненою, кгды дня второго месеца февраля в пятницу в року нинешнем деветдесятъ шостом припал рокъ перед нас и суд наш господарский ясневелможному Кос- тентину княжати Острозкому, воеводе киевскому, маршалку земли Волынское, старосте володимерскому, до указаня и выведеня се перед нами и судом нашым, учинилъ ли досыть тому декретови нашому з стороны ставеня войтов и атаманов ку присязе на рочках в Кремянцу зъ мест своих, то ест: Костентинова, Лю- бартова, Острополя, Кузмина, Красилова и з селъ, до тыхъ мест прислухаючих, въ воеводстве Волынскомъ лежачих, яко от Татаров тые маетности попалены и от Козаков попустошоны, для чого побор в року деветдесят третем не ест з них выдан, так засе до плаченя побору и чопового з маетностей непопустошонных, и с которых бы атаманов прислати не хотели, яко о тож ширей и достаточней в декрете том нашом описано и доложоно было.
Теды на року нинешнем, з выроку нашого припалом, умоцованый княжати его мл. шляхтный Мартинъ Грабковичъ у суду нашого постановившысе, а выводечи досыт учинене декретови нашому, показал квит скарбу нашого коронного под печатю скарбовою и с подписом руки подскарбего нашого надворного, в котором ясне и достаточне описано было, иж с помененых мест Костентинова, Любартова, Острополя, Кузмина и Красилова бурмистров, людей присяглых, а з селъ семдесят атаманов в Кремянцу на рочках ку присязе ставил и присяги их на попаленю тыхъ маетности от Татарына и спустошеныю от Козаков сознане вряду кгродского кремянецкого в скарбе нашом коронномъ указовалъ. [За] которимъ таковымъ досыть учиненемъ декретови на- шому скарбъ нашъ [зв]ышъ преречоные мѣста княжати его мл. от даваня побору и чопового волным учинил. Якож и мы задосыт учинене то принемши, с того даваня побору и чопового, в року деветдесят третем уфаленого, и з вин в декрете описаных, под которые вже затым подпадати не может, также зо всего переводу права кгродского кремянецкого от вын з заруками сказаных вельможного воеводу киевского волным чинимо на вечные часы. А што се дотычет з ынших мест княжати его мл. непопустошоных и з ласки Божое от Татарына непопаленых, въ воеводстве Киевскомъ, а не у Волынскомъ лежачих, то ест з места Киева, з Бе- логородки и Вилска, яко то в деклярацыи соймовой [...] Витовский поборца и киевский далъ знать, и сам княжа его милость через умоцованого своего на оном же сойме прошломъ краковском перед депутатми, личбы с поборов слухаючими, призналъ, а на сес час ведле декрету нашого с тых местъ побору и чопового до скарбу нашого не прислалъ и квитов, отдал ли з них до належного поборцы воеводства Киевского, яко в скарбе нашом справу давалъ, же отдал, умоцованый его не указал, и для того о узыченье часу далшого на показане тых квитовъ насъ просилъ. А такъ мы господарь, теды, за тою прозбою до нас учиненую и абы тымъ порядне се то показало и отправило, дозволили есмо дыляцыи на показане таковых квитовъ по зачатю сойму близко пришлого у Варшаве ве две недели: на он час велможный воевода киевский повинен будет без жадное вымовки певную речь в скарбе нашом показати и досыт той дыляцьш, яко на року завитом у суду нашого за квитом скарбовым учинити, наказуемы тым декретом нашымъ, до которого и печать наша коронная ест прытиснена.Писан в Кракове року тисеча пятсот деветдесят шостого месеца февраля второго дня, а панованя королевствъ наших Полского девятого, а Шведского второго року. Joan Tarnowski, vicecancell.
Справа велебного Яна Тарновского, краковского, влоцавского и ленчицкого пробоща, подканцлерого коронного.
Грушевський М. Матеріали до історії козацьких рухів в 1590-х pp. // ЗНТШ. - Львів, 1899. - Т XXXI-XXXII. - С. 8-9.