№ 21 1592 р., жовтня 11, Варшава. - Привілей Сиґізмунда III берестейським православним жителям з підтвердженням заснування братства при церкві Св. Миколая
Во имя Божое станься, ку вѣчной памети и змоцненью речи нижей описаное. Мы, Жикгимонтъ третій, Божью милостью король Полской. Ознаймуемъ симъ нашимъ листомъ, кому то вѣдати будеть належало, нинѣшнимъ и напотомъ будучимъ: што жъ мы господаръ, щастливѣ пануючи надъ людомъ народовъ хрестіяньскихъ въ паньствахъ нашихъ, не толко стародавныхъ правъ, свободъ и вольностей сторо- жомъ и оборонцею будучи, але завжды при надаванью и примноженью вхъ обывателемъ панствъ нашихъ ласкавѣ ставечися, и тымъ болшою хутью надо все помноженья хвалы Божее и порадковъ слушныхъ захованья зычачи, за донесеньемъ намъ прозбъ отъ становъ многихъ и на чоломбитье мѣщань мѣста нашого Берестейского, людей народу Руского закону Греческого, братьи церковного братства, церкви заложенья светого Николы предѣла Богоявленья, прозываемого Глеба и Бориса, зъ ласки нашое господарьское позволяемь имъ для свободного и спокойного ужива- нья всякихъ обыходовъ церковныхь и розширенья хвалы Божое набоженства ихъ, водлугъ порадку мѣстъ нашихъ столечныхъ, Виленьского церкви светое Троицы, а и Лвовского церкви светое Пречистое, и волностей отъ насъ господара братству мѣста Виленского в Львовского наданыхъ; также водлугъ благословенства и листу пастыра ихъ, въ Бозѣ велебного Мелентея Хребтовича Литаворовича Богуринско- го, епископа Володимерского и Берестейского, архимандрита Кіевского манастыра Печерского, который отъ нихъ и передъ нами покладанъ былъ подъ датою року ти- сеча пять сотъ деветдесятъ первого, мѣсеца октябра двадцать шостого дня, съ подписью руки [...], то есть: напервей, братство церковное, которое собѣ; злюбили для справъ побожныхъ, водлугъ застановенья своего, мають мѣти и во всемъ ся въ немъ рядити и справовати порадкомь и прикладомъ мѣстъ нашихъ Виленского и Лвов- ского вечными часы, и домъ ихъ братской, въ которомъ справы братства церковного отправовати будуть, отъ всякихъ платовъ и повинностей нашихъ господарьскихъ в мѣстскихь, и отъ стоянья въ нихъ гостей всякого стану, такъ пры бытности, яко в въ небытности нашой господарьской, вызволяемъ и волнымъ чинимъ вѣчне, такъ тежъ олтаръ, въ которомъ попъ ихъ братской служити будеть водлугъ листу вол- ности, отъ владыки Берестейского имъ на то даного, ихъ заховуемъ, и нихто имъ въ томъ переказы жадное до пределу Глеба и Борыса становъ духовныхъ и свѣтскихь чинити и входу волного церковного забороняти не маеть. А для науки дѣтей народу хрестьянского всякого стану, ку оздобѣі и пожитку Речи Посполитое, позваляемъ мѣти школу Греческого, Латинского, Полского и Руского языка, и людей учоныхъ въ тыхъ школахъ вольно ховати духовного в світского стану братскимъ имъ самымъ; церковъю, олтаромъ, попами, школами и всею челедью братскою, также и грунтами, до братства и олтара належачими, не маеть нихто справовати, только они сами братство вышъпомененое зоставуючи, во всемъ цалѣ зь звирхности пастырства владыки Володимерского и Берестейского.
А хто бы тежъ зъ доброе воли своее на тое братство ихъ церковное што надалъ, албо тестаментомъ отписалъ, и потомъ хотя што и безъ тестаменту надасть, албо отпишеть, такъ речи рухомые, яко и лежачіе, то на вси потомные часы при ономъ братствѣ ихъ церковномъ вѣчне зоставати маетъ; чого имъ никоторый врадъ таковыхъ речей отъ того братства отдаляти и одыймовати не маеть. И на то дали есмо братству церковному Берестейскому сесь нашь листъ, съ подписомъ руки нашое господарьское и зъ нашою печатью.Писанъ у Варшавѣ, на соймѣ валномъ, лѣта Божого Нароженья тисеча пять сотъ деветдесятъ второго, мѣсеца октебра первогонадцатого дня. - Подпись руки господарьское. Матей Война, писаръ.
Акты ЮЗР. - СПб., 1863. - Т. 1. - С. 243.