№ 39 1576 р., листопада 30, Торунь. - Привілей короля Стефана Баторія мешканцям Ґродна на склад солі
Стефанъ, Божъю милостью король Полскій, великій князь Литовскій, Рускій, Прускій, Жомоитскій, Мазовецкій, Ифлянтский, княжа Седмикгродское и иныхъ.
Ознаймуемъ симъ листомъ вашимъ.
Повѣдили передъ нами войтъ, бурмистры и вси мѣщане мѣста нашого Городеньского, ижъ зъ давныхъ часовъ, еще за панова- нья королей ихъ милости и великихъ князей Литовскихъ, продковъ нашихъ, захо- вывалося то, ижъ соль крупястая, которая рѣкою Нѣмномъ, водою и сухимъ путемъ, черезъ купцовъ и торговцовъ нашихъ господарскихъ, князскихъ, паньскихь, духовныхъ и свѣтскихъ, зъ Кгданьска, съ Кролевца, на коморѣ Ковеньской отмы- чована, и съ Ковна вигинами рѣкою Нѣмномь, альбо сухимъ путемъ, не складаючи ее въ иншихъ мѣстѣхь, только до Городна вроважона и кождому вольно продавана бывала, и южъ далѣй Городна, на гору, рѣкою Нѣмномъ и сухимъ путемъ къ Под- ляшью никгды проважона не бывала; и били вамъ чоломъ, абыхмо зъ ласки нашое господарское, при таковомъ порадномъ складанью солыюмъ, который зъ давныхъ часовъ въ мѣстѣ Городеньскомъ бывалъ, ихъ зоставили и листомъ нашимъ госпо- дарскимь то имь потвердити веліли. А такъ мы, господаръ, на чоломбитье тыхъ подданыхъ нашихъ, мѣщанъ Городеньскихъ, ласку нашу господарскую чинячи, а къ тому постерегаючи того, абы за непораднымъ соли провожаньемъ и складань- емъ, подданые наши мѣщане Городеньскіе ко убозству и знищенью не пришли, тотъ складъ сольный, который здавна звыклый въ мѣстѣ Городеньскомъ бывалъ, заховываемъ и листомъ нашимъ тому мѣсту нашому Городеньскому и подданымъ нашимъ, тамошнимъ мѣщаномъ Городеньскимъ, потвержаемъ, такъ, ижъ кгды которые купцы наши господарскіе и мѣщане оного мѣста Городеньского соль съ Кролевца, съ Ковна на витинахъ рѣкою Нѣмномъ, або сухимъ путемъ до Городна повезуть, тогды ее въ Городнѣ складати, а оттоль кождому таковую соль продавати мають, заховываючися по тому, яко ся около таковоѣ соли и до сихъ часовъ въ ономъ мѣстѣ заковывало; и на то дали есмо подданымъ нашимъ, мѣщаномъ Го- роденьскимъ, сесь нашъ листъ зъ нашою печатью. Писанъ у Торуни, лѣта Божого Нароженья 1576, мѣсяца ноябра 30 дня.Акты ЮЗР. - СПб., 1863. - Т. 1. - С. 206-207.
Еще по теме № 39 1576 р., листопада 30, Торунь. - Привілей короля Стефана Баторія мешканцям Ґродна на склад солі:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -