№ 33 1540 р., Вільно. - Грамота Сиґізмунда І про виправдання литовських євреїв у зведеному на них польським євреєм наклепі, нібито вони навертають у свою віру християнських дітей і таємно виїжджають з ними і своїм майном у Туреччину та ін.
Жикгимонтъ, Божьею милостью король Польскій, великій князь Литовскій, Рускій, Прускій, Жомоитскій, Мазовецкій u иныхъ. Чинимъ явно тымъ нашимъ листомъ. Што тыми разы, будучи намъ у панствѣ нашомъ великомъ князьствѣ Литовскомъ, справено было насъ черезъ жида коруны Польское на имя [...], яко вси жидовє, которые оселости свои у панствѣ нашомъ великомъ князствѣ Литовскомъ мають, наши господарскіе, князьскіе и панскіе, мѣли таковый выступъ учинити: напервей напротивку закону и вѣры хрестіянское, такъ тежъ напротивку насъ господара и всякое Речи Посполитое доброе, якобы они мѣли то чинити, со всими маетностями своими мѣли вывозитися съ панства нашого до земли Турецкое, надто дѣтей малыхъ, у вѣрѣ хрестіянской нароженыхъ, потаємні, беручи и тежъ купуючи, въ законъ свой жидовскій обрѣзати мѣли, и о то ихъ съ панства нашого до Турокъ за границу выслали; а о петдесятъ въ Тыкотинѣ и по иншимъ мѣстцомъ на смерть побили, а тыхъ обрѣзанцовь высылали нѣкоторыми фурманы, которыхъ они на то наймовали, якожъ оный жидь и имена ихъ пети особъ на списку намъ подалъ.
Мы, хотячи на то достаточную ведомость мѣти и тую речъ справедливымъ розсудкомъ нашимъ розознати, посылали есьмо дворянъ нашихъ: Матвея Орлыньца а [...], и росказали тыхъ хурмановъ поймати и къ намъ привести, а иныхъ жидовъ за поруки дати. Гдѣ въ тотъ же часъ многіе жидова, слышачи тую помову на нихъ того справити, яко: Городенскіи, Берестейскіе, Володимер- скіе и Луцкіе, Остроскіе, Ковельскіе, и панскіе до насъ пріѣхали и за то намъ чоломъ били и повѣдили передъ нами, ижъ оный жидъ несправедливѣ на нихъ то оповѣдалъ, маючи на нихъ некоторую вазнь, або тежъ зъ подущенья непріятелей ихъ, або пакъ чинячи въ томъ собѣ которые пожитки; а они въ жадной таковой речи не есть винни, и хрестіанъ николи не обрѣзали у свой законъ, а ни о томъ слыхали, а ни до Турокъ зъ своими маетностями не вывозилися, а ни хотять се вывозити, кромъ нѣкоторыхъ жидовъ, меновали, ижъ за нашимъ же дозволеньемъ и за листы до Ерусалима мѣли выйти для обѣцанья своего, а иньшіи того чинити не хотять; и просили насъ, абыхмо дали то имъ на очевистую росправу и при розсудку нашомъ господарскомъ ихъ заховали. И такъ мы, хотячи таковую речь съ суду справедливого поконану мѣти, росказали есьмо паномъ радамъ нашимъ ихъ милости великого князьства Литовского, абы певностей и доводу оного жида ко- руны Польское и справы тежъ жыдовъ тутошнего панства нашого великого князьства выслухали и о томъ межи ними смотрѣли. Ино тотъ жидъ доводу никоторого на то не вчинилъ, одно повѣстями словными то на нихъ вывялъ, а жадное речи слушное, которая бы прислухала на таковую справу обычаемъ статутъ земскихъ не мѣлъ; а жидове съ того се выводили и подъ великіе окрутные каранье подда- валися, ижъ таковыхъ людей, которые бы зъ въры хрестіянское на законъ жидовскій отдалося и съ панства нашого великого князьства Литовского вышли, або выведены были, або естли бы здѣшніе обыватели великого князьства оть вѣры хрестіянское на законъ жидовскій обрѣзать мѣли, межи собою не мають и въ себе не переховывають, и ничого о нихъ не вѣдають; которую жъ справу ихъ панове рада наши намъ оповѣдили. Тые тежъ жидове замковъ, мѣсть и дворовъ нашихъ плачливѣ били намъ челомъ, абыхмо тяжкостей и безправье не казали въ томъ имъ чинити, и ихъ имати, и домовъ ихъ спустошити ни вшкоживати не велѣли, и въ справедливости ихъ заховали, и того жида, яко такового неправдивого повѣдача, скарати велѣли: бо дей они за тою справою не только сами трудности и утраты великіе приняли, але и въ товарѣхъ своихъ, за омѣшканьемъ торговли, не малый упадъ приняли, и зъ домовъ своихъ съ куплеми нигдѣ не смѣли ѣздити, и за тымъ вартованьемъ ихъ у мытѣхъ нашихъ шкода великая намъ ся стала. А такъ мы, вы- слухавши тое ихъ справы отъ пановъ радъ нашихъ, вырозумѣли есьмо тому, ижъ тая повѣсть оного жида неистотнѣ напротивку ихъ вышла, а то для того, што онъ доводу слушного никоторого на то не вчинилъ, одно словы голыми то мовилъ, што могъ чинити зъ непріязни своее къ нимъ, або съ подущенья которого, або для своего пожитку, и зрозумѣли есмо тежъ тому: естли бы то мѣло быти такъ, яко насъ справено, не молчали бы о томъ отцы оныхъ дѣтей, кождый бы о своемъ сынѣ мовилъ, и подобнѣйшая бы речь отъ родичовъ таковыхъ обрѣзанцовъ обыску и помовенью быти, нижли отъ того жида обчого человѣка; и то тежъ не естъ речъ подобная, абы въ Тыкотинѣ и на иншихъ которыхъ мѣстцахъ люду хрестіян- ского отъ жидовъ такъ много, якъ онъ насъ справилъ, побито быть мѣло: бо Тыко- тинъ естъ мѣсто пана а рады нашое знаменитое, и не могла бы се таковая речь укрыти отъ небощика пана Олбрыхта Гаштолта, воеводы Виленского; который жъ вси вышейописаные речи добрѣ въ собѣ розваживши и не обмовивши то съ паны радами нашими, въ той есмо теперешней помовѣ жидовъ не нашли винныхъ, и тую речь при таковомъ концы заставуемъ: што ся дотычеть тое теперешнее по- мовы на тыхъ жидовъ отъ оного жида корунного, то вже имъ нинѣ и напотомъ не маеть шкодити, и трудностей и шкодъ и накладовъ никоторыхъ упередъ не маетъ имъ для тое помовы теперешнее быти; такъ тежъ и впередъ естли бы отъ кого съ хрестьянъ або съ жидовъ таковая жъ помова на нихъ або иншая которая мѣла походити, мы маемъ первей съ таковыми повѣдачи слушный а справедливый розсудокъ нашь господарскій вчинити и на явномъ суду таковыхъ ставити, а на таковые повѣсти заочные и безправные не маемъ жидовъ имати, а ни карати, ажъ поставивши, на кого помовять на явномъ суду хрестіянскомъ, и кого съ права и съ доводу слушного обвинять, таковый маеть каранъ быти горломъ и маетностью своею; а правый за винного не маеть терпѣти, одно кождый за свой выступъ маеть каранъ быти зъ розсудку справедливого и доводъ слушныхъ, подлѣ права земского; нижли жидове не мають люду хрестіянского въ законъ ихъ жидовскій пріймовати, а ни обрѣзати, а ни таковыхъ вѣры хрестіянское въ домѣхъ своихъ переховывати; а хто бы то вчинилъ а съ права и съ доводу то бы было на кого переведено, таковый безъ кождого милосердья горломъ и всею маетностью маеть каранъ быти. Тежъ невѣсть закону хрестіянского, для покормленья дѣтей своихъ, не мають до себе брати, нижли мають мамки закону ихъ жидовского къ дѣтемъ своимъ припускати; а хто бы тежъ въ наемъ до себе бралъ людей хрестіянскихъ, таковымъ наймитомъ не мають они никоторыхъ речей таковыхъ шкодныхъ, што бы мяло быть напротивку Богу віры хрестіянское росказывать, чинити; роботъ тежъ тяжкихъ а звлаща дней святъ хрестіянскихь не мають на нихъ накладати; а въ неволю собѣ жадного хрестіянина брати и куповати не мають; и кгды который року умовеного дослужить, таковымъ учинивши сполную заплату за службу ихъ, мають доброволнѣ отъ собе отпускати, державши закупа або закупку одинъ годъ, а черезъ годъ не мають у пенязѣхъ у наймѣхъ хрестіянъ ховати. И што ся доты- четь тыхъ жидовъ родичовъ здѣшнихъ и прихожихъ у великомъ князьствѣ, впередъ невиннѣ и на заочное помовенье безъ права николи не мають быти иманы, а ни по дорогомъ и въ домѣхъ ихъ гамованы, нижли мають доброволно мѣшкати и по куплемъ ѣздячи торговати безъ всякого гамованья, кромѣ земли Турецкое: тамъ не мають безъ вѣдома нашого выѣжчати; а мы тежъ во всемъ маемъ ихъ заховати водлѣ привилья нашого, которій они на то въ себе мають. На штожъ даемь имъ сесь нашь листъ зъ нашою печатью. Писанъ у Вильни.Акты ЮЗР. - СПб., 1863. - Т. 1. - С. 107-109.
Еще по теме № 33 1540 р., Вільно. - Грамота Сиґізмунда І про виправдання литовських євреїв у зведеному на них польським євреєм наклепі, нібито вони навертають у свою віру християнських дітей і таємно виїжджають з ними і своїм майном у Туреччину та ін.:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -