№ 30 1531р., липня 26, Краків. - Привілей Сиґізмунда І мешканцям міста Воїні на магдебурзьке право
Жикгимонтъ, Божьею милостью король Польскій, великій князь Литовскій, Рускій, Прускій, Жомоитскій, Мазовецкій и иныхъ. Чинимъ знаменито симъ нашимъ листомъ, хто на него посмотрить або чтучи его услышить, нинѣшнимъ и напотомъ будучимъ, кому будеть потреба того вѣдати.
Били намъ чоломъ войтъ и мѣщане вси мѣста нашого Воинского о томъ, што есмо казали ихъ тамъ у Воинѣ на волокахъ осадити, и листъ нашъ на то имъ дати, и велѣли есмо зъ нихъ платъ на насъ выбира- ти отъ трохъ полуволочковъ по двадцати грошей, а по курети, а по десети яецъ, а по полкорца овса, а съ дву полуволочковъ четырнадцать грошей, а сь одного полуволо- ка семь грошей; а хто полуволочковъ не маеть а на малыхъ огородѣх мѣшкаеть, съ таковыхъ домовъ по шести грошей, якожъ есмо имъ обѣцали право Майдебурское дать, чимъ бы се они мѣли радити и справовати; и они тыми разы повѣдили передъ нами, ижъ тамъ у Воинѣ ужо мѣсто осѣло, нижли они не мають у себе права, чимъ бы се мѣли радити и справовати, и били намъ чоломъ, абыхмо тое право Маитбор- ское имъ дали. Ино мы зъ ласки нашое на ихъ чоломбитье то вчинили, тое право Нѣмецкое Маитборское имъ дали, и вжо отъ того часу мають они тымъ правомъ Маитборскимъ радитисе и справовати потому, какъ и въ мѣстѣ нашомъ Берестейс- комъ мѣщане се справують, и всихъ тыхъ члонкахъ и артыкулѣхь мають быти захо- вани, яко на тое право Маитборское прислушить; и маеть войтъ, бурмистры, радцы всихъ мѣщанъ судити и сказывати тымъ правомъ Маитборскимъ, а нихто не маеть съ того ихъ права нигдѣ ся отзывати; а врядники наши Воинскіе не мають мѣщанъ сь права ихъ передъ собою становити и ихъ судити, а ни пересудовъ и винъ жадныхъ зъ нихъ брати. А што дотычеть платовъ нашихъ, мають они намъ въ кождый годъ давати съ трехъ полуволочковъ по двадцати грошей а по курети, и по десети яецъ, а по пол корца овса, а съ дву полуволочковъ по четырнадцати грошей, а зъ одного полуволочка семъ грошей; а хто полуволочковъ не маеть, лечъ на малыхъ огородѣхъ мѣшкаеть, съ таковыхъ домовъ по шести грошей, а большей того ничого не мають давати. А бровары мають мѣщане по мѣсту волные мѣти, и отъ чотырехъ солянокъ солоду мають намъ давати по три гроши, а войтъ зъ радцы маеть солодъ выбирати; а со зхачокъ платъ маеть тежъ въ кождый годъ на дворъ нашь даванъ быти; а имъ къ мѣсту придали есьмо ятки помѣрное; а съ корчомъ своихъ капщизны не мають давати. А къ тому имъ тамъ въ томъ мѣстѣ нашомъ торговати добровольнѣ безъ жадного мыта. А дерево на будованье и на потребы свои домовые мають съ пусчы нашые, и яко лубъе и лыка и дрова брати добровольнѣ, гдѣ бы было безъ шкоды лововъ нашихъ, и паству на быдла свои по дубровамъ мѣти, и сѣно косити, и рыбу за млыномъ нашимъ у рѣцѣ маеть кождый зъ нихъ на себе ловити, и быдло свое у ставѣ поити; а ѣздечи черезъ греблю, они сами, мѣщане, которые будуть въ томъ мѣстѣ мѣшкати, не мають мыта платити; а помѣрное съ корцовъ и солянокъ имъ есмо и мѣсту придали; а ремесники вси, которые будуть вь томъ мѣстѣ мѣшкати, и пенары, тые мають войту и радцомъ на сухи дни по полугрошу давати, какъ и въ иншихъ мѣстахь нашихъ того обычай естъ; и вжо тые мѣщане наши Воиньскіе мають во всихъ тыхъ пошлинахь супокойнѣ а непорушнѣ на вѣчные часы захованы быти, а врядники наши Воинскіе черезъ тотъ привилей нашь никоторыхъ тяжкостей имъ чинити а ни платовъ повышшати не мають. А на твердость того и печать нашу казали есьмо привѣсити къ сему нашому листу.Писанъ у Краковѣ, подъ лѣты Божъего Нароженья тисеча пять сотъ тридцать первого, мѣсяца іюля двадцать шостый день, индикта четвертый. У того привилею печать его королевское милости великого князства Литовского подканцлерская привѣсистая и подписъ руки писарское тыми словы: Михайло писаръ, намѣстникъ Мѣдницкій.
Акты ЮЗР. - СПб., 1863. - Т. 1. - С. 80-81.
Еще по теме № 30 1531р., липня 26, Краків. - Привілей Сиґізмунда І мешканцям міста Воїні на магдебурзьке право:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -