№ 22 1516 р., лютого 25, Вільно.- Рішення Сиґізмунда І у спірній справі горо- денського війта і міщан із городенським старостою Юрієм Радивилом
Самъ Жикгимонтъ, Божою милостью король Полскій, великій князь Литовскій, Рускій, княжа Пруское, Жомоитскій и иныхъ. Смотрѣли есмо того дѣла съ паны радами нашими: жаловали намъ войтъ мѣста Городенского, и бурмистры и радци, и вси мѣщане на подчашого нашого, старосту Городеньского, пана Юрья Миколаевича Радивиловича, о томъ, што перво сего братъ нашь Александръ, король его милость, далъ имъ къ мѣсту пущу въ Городенскомъ повѣтѣ, и при- виліемъ своимъ то его милость имъ потвердилъ на вѣчность, и то имъ завель и ограничилъ, зъ росказанья брата нашого короля его мило сти, маршалокъ земскій, староста Городенскій небожчикъ панъ Янъ Юрьевичь Заберезынскій, а потомъ и мы имъ тую пущу нашимъ привиліемъ потвердили тежъ на вѣчность: ино дей тыми разы панъ староста Городеньскій тую пущу въ нихъ отнялъ.
И панъ староста передъ нами мовилъ, ижъ они дерево на будованье и на дрова въ пущи нашой беруть тамъ, гдѣ ловомъ и оступомъ нашимъ шкода ся великая дѣеть. Притомъ жаловали намъ войтъ и міщане Городенскіи, ижъ служебники пана Старостины беруть въ нихъ мыто на рѣцѣ на Мѣтѣ, до Прусъ ідучи, гдѣжъ дей они здавна николи мыта не даивали; и въ привиліи брата нашого и нашомъ выписано, ижъ они на рѣцѣ на Мѣтѣ не мають мыта давати. И нашъ староста передъ нами повѣдилъ, ижъ за предковъ его, первыхъ старостовъ Городенскихъ, тамъ на нихъ мыто бирано. И войтъ и мѣщане тыи привилія брата нашого и наши на пущу и на тое мыто передъ нами вказывали. Мы съ паны радами нашими, о томъ межи ними досмотрѣвши, и тыхъ привиліевь брата нашого Александра, короля его милости, и нашихъ выслухавши, и врозумѣли есмо тому, ижъ братъ нашъ король его милость тую пущу имъ далъ и границу, которую завелъ небожчикъ нашъ Янъ Юрь- евичь Заберезынскій, привиліемъ своимъ потвердилъ; въ тыхъ же привиліяхъ стоитъ, ижъ на Мѣтѣ мыта не мають давати, - мы при томъ ихъ и зоставили, в тую пущу казали есмо имъ завѣдати со всимъ по тому, какъ въ тыхъ привиліяхъ выписано; и приказали есмо пану старостѣ, абы ся онъ въ тую пущу не вступалъ и того мыта на рѣцѣ на Мѣтѣ зъ нихъ брати не казалъ: мають мѣщане Городен- скіи тою дорогою доброволнѣ до Прусъ ѣздити, безъ всякого гамованья, водлугъ данины и привиліевъ брата нашого и нашого. Такожъ били намъ чоломъ войтъ и мѣщане Городенскіи, абыхмо при тыхъ всихъ члонкахъ, которыи въ привиліяхь брата нашого короля его милости и нашомъ имъ къ мѣсту [...]. Ино мы на ихъ чоломбитье то вчинили: который члонки король его милость и мы въ привиліяхъ нашихъ имъ къ місту [...], при тыхъ всихъ члонкахъ ихъ зоставуемъ и потвержа- емъ то симъ нашимъ листомъ; маетъ имъ то держано быти, водлѣ данины и тыхъ привиліевъ брата нашого Александра, короля его милости, и нашого. А на твердость того и печать нашу казали есмо приложити къ сему нашому листу. При томъ были: воевода Троцкій, маршалокъ дворный панъ Григорей Станиславовичь Остиковича; маршалокъ и секретарь, державца Шовленскій панъ Миколай [...] вичь [...]; конюшій дворный и Троцкій, намѣстникъ Волкиницкій и Лепунскій, лѣсничій Городенскій панъ Якубъ Кунцевичь, а подскарбей дворный, намѣстникъ Велюнскій панъ Иванъ Андрѣевичь.Писанъ у Вилни, лѣта Божего 1516, мѣсяца февраля въ 25 день, индикта четвертого.
Акты ЮЗР. - СПб., 1863. - Т. 1. - С. 53.