Прилога ТЕКСТ ШИРОКОЇ РУСЬКОЇ ПРАВДИ

Подаючи текст Широкої Правди, в основу я поклав всупереч традиції не текст Синодального списку 1282 р. (ч. 8), чи Тройського XIV-ого ст. (ч. 3), а текст Пушкінського списку (ч. 72).

Л.Б.

ПРАВДА РУСКАЯ

1. Оже оубьєть мужа то местити брату брата любо отчю любо сыну любо брату чада любо братню сынови оже ли не будетъ хто єго месгя то положи за голову 80 гривень ачи будетъ ли мужъ княжь или тіоуна княжа ачи будетъ горожанинъ¹ либо¹ гринъ¹ любо купечь любо тиоунъ боярескъ любо мечникъ изгои либо словѣнинъ то 40 гривенъ положи зань

2. По Ярославѣ же пакы совокупишася сыновѣ его Изяславъ Святославъ Всеволодъ и мужи ихъ Коснячко Перенить Никифоръ и сотложиша оубьєньє за голову кунами ся выкупятъ а ино все якоже Ярославъ судилъ тако и сынови его оуставиша

3. О оубоиствѣ. Аще оубьєть княжа мужа в розбои а боєвника² не ищють то вервьную платити въ которой верви голова лежитъ то 80 гривенъ пакы ли одинъ³ 40 гривенъ

4.

5. Будет ли головникъ ихъ въ верви того зане к нимъ приклады­ваютъ того дѣля помогати имъ головнику ли в дикую вину но сплатити имъ во опчи 40 гривенъ головницьство а то самому головнику а в сороци гривенъ заплатити ему из дружини свою часть

6. Оже будетъ оубилъ или въ свадѣ или в пиру явленъ то тако ему платити повервіины иже ся прикладываетъ вирою

7. Оже станет/ь/ за розбоі. Бу дет ли сталъ на разбои безъ всякой свады за разбойника людье не платятъ но выдадять всего с жоною и з дѣтми на потокъ и на разграбленье

8. Аже кто не вложи в дикую вину и виру тому людье не помогаютъ но самъ платить

9. А се покони вирнии были по⁴ Ярославѣ вирнику взяти 7 вѣдеръ солоду на недѣлю оже овенъ любо полоть любо двѣ ногати а в среду куна оже сыръ а в пятницю тоже а куровъ по двое ему на день а хлѣбовъ 7 на недѣлю а пшона 7 оубороковъ а гороху 7 оубороковъ а соли 7 голваженъ то то вѣрнику со отрокомъ а кони 4 конемъ на воротъ всути овесъ вѣрнику 8 гривенъ а 10 кунъ при­кладная а метелнику 12 вѣкши а ссадная гривна

10. Ω вирах. Иже будетъ вира въ 80 гривенъ то вѣрнику 16 гривнъ и 10 кунъ и 12 вѣкши а переди сьсадная а за голову³ гривны

11. Ω отроцѣ. А се о княжѣ отроци или о конюсѣ или о поварѣ то 40 гривенъ

12. И за тиоунъ огнищним и за конюшни 80 гривнъ

13. А в сельскомъ куни* княжѣ или в ратаинемь то 12 гривнѣ

14. А за рядовича 5 гривнъ такоже и за боярескъ

15. Ω ремественицѣ. А се о ремественичи за ремественика и за ремес- твеничи то 12 гривнѣ

[16. А за смердии холопъ 5 гривенъ а за робоу 6 гривенъ

17. А за кормилца 12 гривне]⁷ и за кормилицю хотя будетъ холопъ буди роба

18. О поклепѣ. Аще бутъ оу кого клепная вѣра тоже будетъ послуховъ 7 то то идутъ виру пакы ли варягъ или инъ кто то два

19.

20. Ω сверженьи. Аже сверже виру то гривна сметная кунъ отроку а къто клепалъ а тому дати другая гривна а ωτ вири помоцного 9 кунъ

21. Искавше ли послуха и не налѣзутъ а истецъ начнетъ голевою кле­пати то имъ правду желѣзо

22. Такоже и во всихъ тяжахъ в тадбѣ и в поклепѣ оже не будетъ исть- ца тогда дати ему желѣзо из неволи до полугривны золота оже ли мене то на воду али въ двою гривну аще ли мене то ити ему по свои куны

23. Аще кто оударить мецемь. Аще кто оударить мецомь вынезъ его или рукоятью то 12 гривнѣ продажи за обиду

24. Оже ли вынезъ меть [а не оударить то гривна кунъ

25. Оже кто кого оударить]* батогомъ или цяшею любо рогомъ любо тылеснию то 12 гривни

26. Не терпя противу тому оударить мечемъ то вины ему В ТОМЬ нить

27. А чи ли оутнеть руку а (отпадетъ рука или оусхнеть или нога или око или носъ оутнеть то полувѣрье 20 гривенъ а то за вѣкъ 10 гри­венъ

28. Аже оутнеть мечемъ* кыи любо то 3 гривны продажи а самому гривна

29. Аще придетъ кровавъ мужъ. Аще придеть кровавъ мужъ на дворъ или синь то видока ему не искати но платити продажа 3 гривны аще ли не будетъ на немъ знаменья то привести ему видокъ слово противу слову кто ли будетъ почалъ то тому платити 60 кунъ аще ли кровавъ придеть или будетъ самъ почалъ а вылизу¹® послуси то то ему платежъ оже и билъ

30. Оже ли оударить мечемъ а не потнеть на смерть то 3 гривны продажа а самомоу гривна за рану оже личе¹¹ потнеть или на смерть а вира

31. Яже попхнеть мужъ мужа любо к собѣ любо сот себе а любо по лицю оударить а видока два выйдутъ али жердью оударить то 3 гривны продажи оже ли будетъ варягъ или колбягъ то полная видока вывести и идетъ на роту

32. Ω челяди. А челядинъ кроется¹² а заклюти¹³ и на торгу а за три дни не выведутъ его а познаютъ его на третий день то свои челядинъ поймутъ а оному платити 3 гривны продажи

33.

34. А се кто погубить конь или портъ или оружье а заповѣсть на торгу а последи познаютъ въ своемъ городѣ свое ему личемъ взяти а за обиду взяти 3 гривны

35. Оже кто познаетъ свое что будетъ погубили или оукрали оу него что или конь или порть или скотина то не рчи се мое но иди на сводъ гдѣ есть взялъ сведет ли ся хто будетъ виноватъ на того тадба снидеть тогда свое возмет и что будетъ с нимь погыбло тожь ему начнетъ платити ачи будетъ коневой тать а выдати и князю на потокъ паки ли будетъ кльтныи тать 3 гривни платити ему

36. Ω сводѣ. Аще будетъ в одиномь городѣ истьчю до конца того свода. Будетъ сводъ по землямъ то ити ему до третьего свода а что будетъ личе то тому третьему платити за личе кунами а с личемъ ити до конча а истьчю ждати прока а гдѣ снидеть на конѣчнаго то тому все платити и продажа

37. Ω тадбѣ. Пакы ли что будетъ купилъ татебно на торгу конь или порть или скотину то вывести свободна мужа два или мытника аже начнетъ незнати оу кого купивъ то ити по немъ тимь видокомь на роту а истьцю свое личемъ взяти а что с нимъ погибло а того ему желѣти а оному желѣти своихъ кунъ зане не знаетъ оу кого купивъ познает ли на долзѣ оу кого купивъ то свои ему куны и сему платить что оу него будетъ погибло а князю продажа

38. Ω чепядинѣ. Оже кто познаетъ челядь свою оукраденую а поиметь и то оному вести по кунамъ до третьего свода пояти же челядинъ въ челядина мѣсто а оному дати личе да ть идетъ до конечного свода а то есть не скотъ ни лзѣ рѣчи не видѣвъ оу кого купилъ семь но по языку ити до конча а гдѣ будетъ конечнеи тать опять вороти челядина а свою поиметь и проторъ тому же платити а князю продажи 12 гривни в челядини или оукрадше или оуведше

39. Ω сводѣ. А изъ своего города в чюжю землю свода нѣтъ но такоже вывести ему послухы любо мытника перед КИМЪ купивше то истьчю личе взяти а прока ему желѣти что с нимъ погыбло а оному своихъ кунъ желѣти

40.

41. Оже краде скотъ въ хлѣвѣ или клѣть то оже будетъ одинъ то платити ему 3 гривны и 30 кунъ будетъ ли ихъ много то всимь по 3 гривны и по 30 кунъ платити

42. Ω тадбѣ. Иже ли крадетъ скотъ на полѣ или овчи или козы или свиньи 60 кунъ [будетъ ли ихъ много то всѣмъ по 60 кунъ]¹⁴

43. Оже крадетъ гумно или жито въ ямѣ то колико ихъ будетъ было а всимь по 3 гривны и по 30 кунъ

44. А оу него же погыбло оже будетъ личе личемъ поиметь а за лѣто возметь по полугривны

45. Или пакы лица не будетъ а будетъ былъ княжь конь то платити за него 3 гривны а за иныхъ по 2 гривны а се оурочи скоту иже за кобылу 60 кунъ а за волъ гривна за корову 40 кунъ а за третьякъ 30 кунъ за лонщину польгривны за теля 5 кунъ¹³ за боранъ ногата за жеребецъ оже¹* будетъ¹* всѣдано¹* нань¹* то гривна кунъ а за жеребя 6 ногатъ за коровье молоко 6 ногатъ то ти оуроци смердамъ оже платять княжо продаж

46. Ω холопѣ. Иже будетъ холопи татьє или княжи или боярьскии любо черньци ихъ же князь продажею не казнить зане суть не свободны то двоицю платити истьцю за обиду

47. Ω кунах. Иже кто взищеть кунъ на друзи а онъ ся начнетъ запи­рати тоже нань послуховъ выведутъ то ти пойдутъ на роту а онъ возметь свои куны занеже не далъ ему за много лѣтъ то платити ему за обиду 3 гривны

48. Аже купѣць кто в куплю дастъ куны или в гостьбу то купцю предъ послухи кунъ не имати послухы ему не надоби но ити ему самому ротѣ оже ся начнетъ запирати

49. Ω поклажаі. Иже кто поклажаи кладетъ оу кого любо то ту послуха нѣтуть оу кого той лежитъ товаръ оже начнетъ того клепати болшимь тому ити ротѣ оу кого лежало како толко еси положилъ оу мене занеже еси бологодѣялъ ему хоронилъ

50.

51. О мѣсяньнем. А мѣсяцныи рѣзы оже за мало то имати ему а зайдут ли ся куны до того же года то дадять ему кунъ треть а мѣсячный рѣзѣ поринути

52. Послуховъ не будетъ а будетъ кунъ 3 гривнѣ то ити ему про свои куны ротѣ будет ли боле кунъ то речи ему тако промиловалса еси оже еси не поставилъ послуховъ

53. Оуставъ Володимира князя. Ce оуставилъ Володимиръ Всеволо- дичь по Святополчѣ созвавъ дружину свою на Берестовѣмь Ратибора киевьского тысячного¹’ Станислава переяславьского тысячного Монислава Иванка Чюдиница Олгова мужа оуставили до третьяго рѣза оже емлеть въ треть куны аже кто возметь два рѣза тому взяти исто паки ли возметь 3 рѣзѣі то иста ему не взяти аже кто емлеть по 10 кунъ сот льта того не (отметати

54. О купцѣ. Аіце которой купецъ шедъ гдѣ любо с чюжими кунами истопится любо рать возметь любо огнь то не насилити ему ни продати его но како любо начнетъ мочи платити сот лѣта такоже платить понеже пагуба сот Бога есть а не виноватъ есть ожели пропьется²⁰ а въ безумьи чюжь товаръ испроторить то како любо тѣмъ чьи куны ждут ли ему своя имъ воля продати лі своя имъ воля

55. Ω долзѣ. Аже кто многимъ долженъ будетъ а пришодъ гостъ из ыного города и²¹ за²¹ чюжеэемець а не вѣдая запустить товаръ за нь а опять начнетъ не дати гостю кунъ а первии дольжници начнутъ ему не дати запинаюче куны то вести на торгъ продати же и дати первое гостины куны а домашнимъ что ся встанетъ кунъ тѣмъ ся подѣлятъ паки будутъ княжи куны то княжи куны первое взяти а прокъ в дѣлъ аще кто много рѣза ималъ тому не имати

56. Аже закупъ бижить сот господъ! то обель идет ли искать кунъ а явлено ходити или ко князю или к судьями бѣжитъ обиды дѣля своего господина про то не роботить его нъ дати ему правду

57. Ω закупѣ. Ажъ оу господина родный²² закупъ а погубить воискои²³ конь то не платити ему еже даль ему господинъ плугъ и борону сот него же копу ємлеть то то погубивше ему платити аще ли господинъ его сотшлеть на ино²⁴ орудье а погинеть без него того ему не платити

58. Аще изъ забоя выведутъ закупу того не платити но оже погуби на полѣ и въ дворъ не вьвезеть и не затворить [гдѣ ему господинъ велитъ]⁰ или орудья своя дѣя а то погубить то ему платити

59. Аже господинъ приобидить закупа а въведеть копу его или отарицю то то ему все воротити а за обиду платити ему 60 кунъ

60. Пакы ли прииметь на немъ кунъ то опять воротити ему куны что будетъ приялъ а за обиду платити ему 3 гривны продажи

61. Продасть ли закупа господинъ обель то наимиту свобода всѣхъ кунахъ а господину платити за обиду 12 гривенъ продажи

62. Аже господинъ закупа бьеть про дѣло то без вины есть бьеть ли без ума пьянъ а вины не будетъ то якоже вь свободнемь продажа тако и в закупѣ

63. Аже холопъ обьлнии выведетъ конь ции любо платити зань 2 гривны

64. Ω законѣ.²⁶ Аще закупъ выведе что то господину в томъ не платити но оже гдѣ налѣзутъ то переди заплатить господинъ его конь или что будетъ взялъ а ему холопъ обелныи пакы ли господинъ не хотѣти начнетъ платити за него а продастъ и (отдастъ же преди или за конь или за волъ или за товаръ что буде цюжего взялъ а прокъ ему взяти собѣ

65. Ω холопѣ. Иже холопъ оударить свободна мужа а вбѣжитъ в хоромы а господинъ его не выдастъ то платити за нь господину 12 гривенъ и за тѣмъ аци гдѣ налѣзетъ оудареныи своего истьця кто оударилъ то Ярославъ былъ оуставилъ оубити но синови по отци оуставиша на куны любо бити розвязавше любо взяти гривна за соромъ

66. Ω послушьствѣ. На послушьство холопа не кладывають²⁷ сложити на боярьска тиоуна на дворьскаго а на иныхъ не складывати а в малѣ тяжѣ по нужи сложити на закупа

67. А кто порветъ бороду а выиметь знаменье а вылизуть послуси то 12 гривни продажи а без людии в поклепѣ то нѣть продажѣ

68. Ω зубѣ. Иже выбють зубы а кровь видятъ во рти оу него а людье вылѣзутъ то 12 гривенъ продажѣ а за зубъ гривна

69. Аже кто оукрадеть бобръ то 12 гривенъ

70. Аже будетъ росѣчена земля или знаменье им же ловлено или сѣть то по верви искати въ собѣ татя любо платити продажи)

71. Ω борти. Аще знаменуетъ борть то 12 гривенъ

72. Аще межю перетнеть бортную или ролеиную розореть или дворную тыномъ перегородить межю то 12 гривенъ продажи

73. Аже дубъ потнеть знаменьями или межный то 12 гривенъ продажи

74. А се наклади 12 гривенъ отроку 2 гривны и 20 кунъ а самому ѣхати сь отрокомъ на двою коню судити же на ротъ овесъ а мясо дати овенъ любо полоть инѣмь кормомъ что имать черво возметь писцю 10 кунъ перекладного 10 кунь за мѣхъ 2 ногати

75. Ω борти. Аще борть потнеть то 3 гривны продажи за дерево полгривны

76. Аще пчелы нелажены 10 кунъ будет ли олѣкь 5 кунъ аще пчелы выдреть 3 гривны продажи

77. Не будетъ ли тать то по следу женуть аже будетъ слѣдъ к селу ли к вару²* а не сотсоцять ωτ себе слѣду ни идутъ на слѣдъ или (отбьються то тѣмъ платити тадбу и продажю слѣдъ гнати с чюжими людми и с послухы аже погубить слѣдъ на гостиницѣ на велицѣ жела не будетъ или на пущи гдѣ не будетъ ни села ни людии то не платити тадбы ни продажи

78. Ω смердѣ. Аже смердъ мучить смерда безъ княжа слова то 3 грив­ны продажи а за муку гривна аже огнищанина мучити то 12 гри­венъ продажи а за муку гривна

79. Аже лодью оукрадуть 60 кунъ продажи а лодью личомь воротити не будетъ лица то за морьскую лодью 3 гривны а за боиную 2 грив­ни за челонъ 8 ногатъ а за стругъ гривна

80. Ω перевѣсѣхъ. Аще кто посѣчетъ верею перевѣсную 3 гривны продажи а господину гривна за верею

81. Аще кто оукрадеть чии песъ или ястребъ или соколъ 3 гривны продажи а господину гривна за голубь 9 кунъ за куря 9 кунъ за оутовъ 30 кунъ за гусь 30 кунъ за лебедь 30 кунъ²*

82. А в сѣнѣ и въ дровехъ 9 кунъ а господину колько будетъ возъ крадено имати еку по 2 ногати за возъ

83. О гумнѣ. Аще зажьжеть гумно то на потъ” и на грабежъ домъ его переже пагубу исплативше а въ процѣ князю поточити и такоже кто и дворъ зажьжеть

84. Кто пакощами конь зарѣжетъ или скотину за то 12 гривенъ а за пагубу господину оурокъ платити

85. А ты тяжи вси судять с послухы свободными будет ли послухъ холопъ то холопу на правду не вылазити но оже хощеть истецъ или именитии а ркя тако по сего рѣци емлю тя но язь емлю тя а не холопъ емлеть и на желѣзо аже обинить и то емлеть и на немь свое не обинити ли его а платити ему гривна за муку зане холопьи рѣчи ялъ і

86. Ω желѣ/зном/. А желѣзного платити 40 кунъ а мечнику 5 кунъ а полъ гривны дѣчному то ти желѣзный оурокъ кто се в чемъ емлеть

87. [А єже емлеть]³¹ на желѣзо по свободныхъ людии рѣци любо ли запона в немъ будетъ любо прохоженье ночное или кимь любо образомъ аже не ожьжется то про мукы не платити ему но одино желѣзное кто будетъ ялъ

88. Ω женѣ. Аще кто оубьеть жену то тѣмъ же судомъ судити якоже мужа ажъ буде виновата³² то полъ виры 20 гривенъ

89. Ав холопѣ и в робѣ нѣтуть виры но оже буде без вины оубьены то за холопъ оурокъ платити или за робу а князю 12 гривенъ продажи

90. Ω смердахъ. Аще смердъ оумреть безажю то князю задница аще будутъ доцери оу него дома то даяти часть на нѣ аже будутъ замужемъ то не даяти имъ части

91. Ω безадници. Аще в боярьстѣ и дружини то за князя задниця не идетъ но оже не будетъ синовъ ино доцери возмуть

92. Аже кто оумирая раздилить домъ свои дѣтемъ на томъ стояти паки без ряду оумреть то всимь дѣтемъ и самой³³ часть дати души

93. Аже жена сядетъ по мужи то дати на ню часть аже что мужъ възложить то мужю есть госпожа а задниця єи не надоби мужня

94. [Будутъ ли дѣти то что первое жены то то възьмуть дѣти матери своей любо си на жену будетъ възложилъ]³⁴ обаче матерь свою възмуть

95. Аже будетъ сестра в дому то той задниця не имать но сотдадять ю замужъ по силѣ братия

96. Оуроци городнии. А се оуроци городнику закладаючи городню куна взяти а кончавши ногата а за коръмъ и за вологу и за мясо и за рыбы 7 кунъ на недѣлю 7 хлѣбовъ 7 оубороковъ пшона 7 луконь овса на 4 кони имати же ему доколѣ срубятъ а солоду одиною дадять 10 луконъ

97. А мостнии оулици. Помостивше мостъ взяти сот дѣливъ сот 10 локотъ по ногати ажи почини моста ветхого колко городень починить то взяти ему по куни сот городнѣ а мостнику ѣхати самоу другу с отрокомъ на двою коню а овса 4 лукна на недѣлю а ѣсти чьтомога

98. А бѣзадницѣ. Аже будутъ робьи дѣти оу мужа то задницѣ не имати имъ но свобода имъ с матерю"

99. Аже будуть в дому дѣти малы а не почнутъ сами собой печаловати а мати ихъ поиде замужъ то кто имъ ближе будетъ тому дати на руцѣ и с добыткомъ и з домомъ донелѣ же возмогоуть а товаръ дати предъ людми а что срѣзить товаром тѣмъ пригостить тому собѣ а истыи товаръ воротить им а прикупъ собѣ зане кормилъ и печаловалси аже сот челяди плодъ или сот скота то то все поймати лицемъ что ли будетъ ростерялъ то то ему все платити дѣтемъ тѣмъ а³* чюжей³⁵ сотчимь приемьлеть с задницею дѣти то такоже есть имъ рядъ

100. А дворъ без дѣла огнь всякому меншому сынови

101. Ω женѣ. Аже жена вречется по мужи сѣдити а ростеряеть добытокъ и пойдетъ замужъ и то платити ей все дѣтемъ

102. Не хотѣти ли начнутъ дѣти си ни на дворѣ а она начнетъ всяко хотѣти сидѣти то творити си всяка воля а дѣтемъ не дати волѣ но что си далъ мужъ с тѣмъ же си сѣдити или свою часть вземше сѣдити же

103. А матерня часть дѣтемъ не надобѣ кому мати дасть тому взяти даст ли всимь да вси роздѣлять безъ языка ли оумреть то оу кого будетъ на дворѣ была и кто ю кормилъ то тому взяти

104. Аже будутъ двою мужю дѣти а одинои матери то онѣмь своего отца задница а онѣмь своего

105. Будет ли потерялъ своего иночима что онѣхъ отча а оумреть то возворотить брату на неже людье вылѣзутъ что будетъ его отецъ истерялъ иноцимля а что ему своего отца то дерьжить

106. А матерь которой будетъ ей сынъ добръ первого ли мужа другого ли тому же дастъ свое ачи ей вси сынови будутъ лиси и доцери можетъ дати кто ю кормить

108. Ω задницѣ. Аже братя ростяжутци передо княземъ о задницѣ то который дитиискыи идетъ ихъ дѣлить то тому взяти гривна кунъ

107. Оуроци суднии. А се оуроци суднии [отъ виры 9 кунъ а метьнику 9 вѣкошь а бортное земли 30 кунъ а метнику 12 вѣкши а сот ролѣинои земли такожде а освободивше челядинъ 9 кунъ а мит­нику 9 вѣкощь а сотъ иныхъ сот всѣхъ тяжъ кому помогутъ по 4 куны а метнику 6 вѣкошь

109. Оуроци ротнии. А се оуроци ротнии]³* сот головы 30 кунъ а сот бъдрънои³⁷ землѣ 30 кунъ безъ треи кун такоже сот релейной землѣ а от свободны 9 кунъ

110. Ω холопьствѣ. А холопъство обелное трое оже кто купи хотя до полугривны а послухъ поставить а ногату дастъ предъ самым холопомъ и послухъ поставить а не без него а второе холопъство поиметь робу без ряду и поймет ли ся с рядомъ то како ся будетъ рядилъ на том же стоить [а се третьее холопъство тиунъство без ряду с рядом ли то какося будетъ срядилъ на том же стоить]³⁸

111. А въда цѣну не холопъ ни по хлѣбѣ роботять ни придатцѣ но оже не ходить года то вороцати емлеть (отходит ли то не виноватъ есть

112. Аже холопъ бижить а заповѣсть и господинъ аже слышавъ кто или зная и вѣдая оже [холоп а]³* дастъ ему хлѣба или оукажеть емоу путь то платити ему за холопъ 5 гривенъ кун а за робу 6 гривенъ кун

113. Аже кто перейметъ чюжь холопъ и дастъ вѣсть господину его то имати ему переемъ гривну не оублюде ли то платити ему 4 гри­вны кунъ за холопъ а пятая переемная ему а будетъ роба 5 а шестая переемная ему (отходить

114. Аже кто самъ своего холопа досоцится въ чьемъ любо городѣ а будетъ посадникъ не вѣдалъ его повѣдавше ему поняти иже оу него отрокъ и щедьше оувязати и и дати ему вязебную гривну** [собѣ ему пагуба]⁴¹ а не платить в то никто же тѣм же и переима нѣтуть

115. Аже кто невѣдая чюжь холопъ оусрящеть или повѣсти дѣеть любо держить оу себе а идетъ сот него то ити ему ротѣ яко не вѣдалъ семь оже есть холопъ а платьже в томъ нѣтуть

116. Аже гдѣ холопъ куны вылжеть а онъ буде не вѣдая далъ [то господину выкупати а не лишатися вѣдаа ли будетъ далъ]⁴² а куны ему лиху быти

117. Аже кто пустить холопа в торгъ а одоржаеть то воскупати госпо­дину а лишитися его нѣлзи

118. Аже кто купить чюжь холопъ не вѣдая то первому господину холопъ пояти а оному куны имати ротѣ ходивше яко не вѣдая есми купилъ вѣдая ли будетъ купилъ то кунъ ему лиху быти

119. Аже холопъ бѣгая будетъ добудетъ товара то господину долгъ господину же и товаръ а не лишітися его

120. Аже хто бѣжа поиметь сусѣдне что или товаръ то господину платити оу кого что будетъ кралъ

121. Аже холопъ крадеть кого любо то господину выкупати любо выдати с кимь будетъ кралъ а женѣ не надобѣ ни дѣтемь но соже будетъ с нимь кралѣ и хоронили и то всихь выдати пакы ли выкупаетъ господинъ аже будетъ свободный с нимь крали или хоронили то князю въ продаж

122. Ω копьи. Иже изломилъ копьие другу любо щитъ любо портъ да аще оу себе начнетъ держати то прияті скота оу него иже что есть изломилъ аще ли начнетъ скотомъ примѣтати ему заплати предъ чадию или начнетъ вѣдати колко будетъ далъ на немъ