№ 23 «Короткий Київський літопис від початку землі Руської до 1516 р.» про боротьбу з татарами і турками
В лѣто 1491 приходиша татарове заволжскыи на Волынскую землю десят тысящ, много зла сотвориша у Волынской земли и в Лядской: Володимери церкви божій пожгли и великую церковь пречистое мурованую и мѣсто, а людей по мѣстам, и по селам, и по дорогам без числа посекли и в полон побрали.
И собрашася волынци з ляхи, божіею помощію и Пречистое его матере, угониша их недалече от Жеславля и побиша поганых, и полон отполониша, мало нечто втекло их, и тыя от зимы измроша недошедших своих влусов. Над волынци был старостою луцким князь Семеон Юр'євич Голшанский. Тогды невидимо поможе бог христіанам над поганци, мало нечто наших убито, ниже и десяти, а их убитых поганцов восѣм тысящ [...].В лѣто 1495 приходиша татарове перекопскыи, сын царев Мендли Кгире- ев[129], у Волынскую землю и мало не добыта град Корца: и уби их нѣколико князь Семена Юр'евич, староста луцкий, маршалко Волынской земли, з Литвою, а з волынци, а прочии татарове отбегоша от Корца [.].
В лѣто 1496 приходиша в Волынскую землю сынове перекопского царя Мен Кгирея со всею ордою перекопскою, и много зла сотвориша Волынской, земли: и церковь, и монастырь святого Николы в Жидичине сожгоша, и полону безчисленно взяша, а иных посекоша, и обогнаша князя Семена Юр'евича и пана Василия Хрептовича, намѣстника володимерского, и князя Костянтина Острозкого[130], и всѣх волынцов в градѣ Ровном. И начаша татарове невомнозѣ приєзжати к граду, наши же не видѣвше, яко множство их, и рекоща к собѣ: «Сотворим что мяжско». И вьієхаша противу их пред мѣсто, и бишас крѣпко с ними, и убиша от них нѣколико. И выступиша множество татар, и видѣв князь Семен, яко невозможно стати противу им, и возвратис в град: и половци же мѣсто сожгоша, и мало ничто из град окупа вземше, и с всѣм пленом возврати- шас восвояси [...].
В лѣто 1497 мѣсяца марта 2 день приходиша татарове и с турки у Волынскую землю, и воеваша около Кремянца и с четыреста душ плѣна воземши, возврати- шас во своя. И собрася князь Михайло Острозкий и с своими людми и угна их за полоным, и изби их всѣх, и плѣн весь возврати и возвратися с похвалою в отечество свое, благодарственный пѣсни богу воспѣвая, яко рукою спасе плѣненныя и изби чада агарянскія. Того ж лѣта пріидоша татарове перекопскыи и поплѣниша множество плѣна у во Олѣвской волости[131] и в Мозырской[132], и вгониша их князь Михайло, а князь Костянтин Острозкий с дворяны князя великого на другой недели у суботу по велице дни у земли Брясловскои[133] на Сороце-реце, на Коши- ловских селищах, а других верх Умы-реки у могилы Петуховы избиша их всѣх до конца, а плѣн весь отплиниша: убили царевича Акманлу и влана Мамыщю Биру уланова сына, а всих их убито триста и сорок, а наших один человек и то от простых. Сѣ уже второе знамя господь бог сотвори, победу дарова православным единого лѣта над безбожными агаряны. Аще обратимся к господу богу истинным сердцем, и до конца сокрушить их [.].
Того ж лѣта мѣсяца майя, у первый день шестое недели по велице дни, у понеделок, убили безбожны татарове перекопскыи преосвященного митрополита киевского и всея Руси архієпископа Макарія, по реклом, Чорта, у селе Скриго- ловѣ на Бчичи-реце, за пять миль от Мозыря, ту его нагнаша, невѣдущю о них никомуждо, без вести увоидоша у землю и всѣх еже з ним побита, а иных у плѣн побрали, и много иных волостѣй воземши и мѣст пожогши и людей безчисленно пленивши, возвратишася восвояси, богу попущающих гртЬх ради наших, согрѣшихом бо от ног и до главы. Но уповаю на господа бога, яко сему архієрею божію сія случися смерть к болшому его мздовозданію, а к нашому наказанію, занеже, был поехал до Киева, хотя помощи церкви божьей Софии, разоренной тыми ж агаряны прежде: ино богу тако попус-тившю о нем, имиж судьбами своими весть, судьбы бо єго бездна многа [...].
Того ж лѣта поиде великый князь Александр[134] со всими вои своими литовскими и рускими, жомоисткими и иными противку царя перекопского, и стоя в Жеславли[135] и оттоле поиде до Брясловля, и тамо город заруби и опять возвратися во свою землю со всими вои своими: а царь не смѣ ополчитис противу его.
Того ж лѣта ходи король полскій Ольбрахт[136] в землю Волоскую со всеми вои своими, и многа зла вои его сотвориша церквам и образом божіим, срам и писанію предать, и взя мир с волоским через брата своего послы короля ческого и угорского Владислава[137] и возвратися в свою землю со всими вои своими. И кото- рою дорогою повѣле ему поити волоский в свою землю, туда не восхотѣ поити, и поиде просто до Снятина по Буковинью: и преидоша волохове и туркове на него, и много вои его убиша, а сам король в тои час бѣ боля.
Українська література XIV-XVI ст. /Підред В. Микитася. - К., 1988. - С. 85-87.