№ 2 р., грудня 9, Київ. - Грамота великого князя литовського Свидри- ґайла Андрієві Волотовичу на маєток у Луцькому повіті
Милостью Божьею, мы, великій князь Швитрикгайлъ, Литовьскій и Рускій и иныхъ. Чинимъ знакомите u даемъ вѣдати симъ нашимъ листомъ каждому доброму, нинѣшнимъ и потомъ будущимъ, кто нань возрить или его чтучи услышить, ко- мужъ то коли его будеть потребизна.
Иже видѣвъ и знаменавъ службу намъ вѣрную, а никгды неопущеную, нашего вѣрного слуги пана Андрѣя Волотовича, и мы, порадився съ нашими князи и съ паны и съ нашею вѣрною радою, даемъ и дали есмо тому предреченому пану Андрѣю, за его вѣрную службу, село Михлинъ у Луцкомъ повѣтѣ, противъ его отчизны Загорова, со всимъ съ тымъ, што къ тымь селомъ зъ вѣка здавна слушало и слушаеть, вѣчисто а непорушно, со всими уходы и приходы, ничого на себе не вымѣнивая, съ селищи, и съ нивами, и съ пашнями, и съ лѣсы, и съ дубровами, и зъ бортными землями, и съ пасеками, и зъ гаи, и съ ловы, и съ ловищи, и зъ бобровыми гоны, и съ зеремяны, и съ рѣками, и съ озеры, и съ криницами, и съ потоки, и ставы, и ставищи, и со млины, и съ мыты, и съ болоты, и съ рудами, и такѣ што въ тыхъ и имѣньи примыслить собѣ на новомъ корени посадить, и со всѣми платы, што къ тому имѣнью слушаеть и предъ тымъ слушало, и таке съ луги, и сь сѣножатьми, и со всѣми пожитки, можетъ собѣ полѣпшивати, и росширивати, и осадити, и примножити. А даемь тому предписаному пану Андрѣю Волотовичу верху меновая мѣста вѣчно и непорушно ему, а по немъ ино его дѣтемъ, и его внучатомъ, и его ближнимъ счадкомъ, волни во всихъ тыхъ имѣньяхь кому отдати и продати и промѣнити панъ Андрѣй Волотовичь и его ближніи и по немъ будучіи. А при томъ были свѣдоки наша вѣрная князи и панове: князь Олеко, Андрѣй Ива- новичь Носъ, панъ Ивашко Монивидовичь Паорша, князь Борись Глиньскій, панъ Иванъ Гулевичь, панъ Грицко Кирдеевичь, панъ Иванъ Чорный, панъ Андрѣй Дчю- са, маршалокъ нашь панъ Сава Стоянъ. А на потверженье того нашего жалованья и печать нашу велѣли есмо привѣсити къ сему нашему листу.А писанъ въ Кіевѣ, подъ лѣты Рождества Исусъ Христова 1000 лѣть и 442 лѣта, мѣсяца декабре 9 день, индикта 12. - Приказъ пана Андрѣевъ Дчюсича мар- шалковъ.
Акты ЮЗР. - СПб., 1863. - Т. 1. - С. 14.
Еще по теме № 2 р., грудня 9, Київ. - Грамота великого князя литовського Свидри- ґайла Андрієві Волотовичу на маєток у Луцькому повіті:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -