№ 59 1594р. - Уставна королівська грамота Сиґізмунда ІІІ про повинності міщан Оршанських
Жикгимонтъ третій, Божью милостью король Польскій, великій князь Литовскій, Рускій, Прускій и пр. Ознаймуемъ симъ листомъ нашимъ всимъ вобецъ и кождому зособна, кому то вѣдати належить: ижъ што староста нашъ Оршань- скій, державца Ораньскій, урожоный Андрей Сапега, приводечи къ лѣпшому по- радку мѣсто нашо Оршаньское, кгрунты того мѣста черезъ ревизоровъ нашихь, урожоныхъ Андрея Воропая а Александра Раковского, на волоки помѣрити роска- залъ, въ року прошломъ тисеча пять сотъ деветьдесятъ третемь, якожъ ревизоро- ве наши, помѣрявши тые кгрунты того мѣста нашого Оршаньского, Михайло Петровичъ а Семенъ Тишковичъ, сами отъ себе и именемъ всихъ мѣщaнъ мѣста Оршаньского передъ нами, господаремъ покладаномъ, били намъ чоломъ, абых- мо тое ку ведомости нашой господарской припустивши, зъ ласки нашое господарское, на то листъ нашъ потвержоный имъ дали.
А такъ мы, господаръ, тое уставы огледавши, вси речы въ ней описаные зрозумѣвши, казали есьмо ее въ сесь нашъ листъ уписати, и слово отъ слова такъ се въ собѣ маетъ. Устава мѣщаномъ господарскимъ Оршаньскимъ, въ року тисеча пять сотъ деветьдесятъ третемъ, мѣсяца ноябра второго дня, презъ мене, Андрея Воропая, судью земского Ор- шаньского, и презъ мене, Александра Раковского, ревизоровъ отъ его королевское милости, помененымъ мѣщаномъ Оршаньскимъ есть дана. Мѣсто Оршаньское: цыншу зъ волоки каждое по грошей сороку Литовскихъ, отъ пригону грошей два- надцать, на подводы зъ волоки грошей три; тые пенези подводные сами мѣщане его королевское милости отдавати маютъ. Стацей, а ни подводъ даремныхъ на послы и гонцы жадныхъ не давать, але то зъ скарбу его королевское милости опатровано быти маетъ, але подводы за пенези наймованы быти маютъ, водлугъ уставы его королевское милости; а бирчого и пищого зъ волоки по пенезей дванадцать; зъ домовъ, зъ пляцовъ и зъ городовъ съ прута каждого, такъ ринковы- хъ, уличныхъ, и на всихъ посадѣхъ по пенезей пети зъ моркгу кождого; полного и сіножатного по грошей три; зъ лавки хлебной и зъ иншого отъ локтя по пенезей два на недѣлю; бланки на стѣнѣ замковой отъ принты оправять повинни и знову заробити, кгды опадуть; потайникъ замковый оправять и робить повинни; господарскій мостъ за замкомъ, што до острога, робить повинни; заспу за замкомь на перекопье сыпать повинни до млына; на сыпанье гребли ходить повинни; солому, гной, хворостъ звозити, одно и спустовъ робити неповинни; сторожовъ, которые волають, двухъ до замку повинни давать, а воротного меркуля водлугъ старого звычаю; яму узводную повинни мѣщане скопать и оправять, и ланьцуги, пищого съ пляцу кождого зъ огорода, по пенезей два, пищого зъ моркгу кождого по пенезей два. А ижъ въ томъ мѣстѣ Оршаньскомъ естъ рѣзники, або месники, тые будуть повинни давать до замку въ кождый рокъ кождый зъ нихъ лою камень, то естъ безменовъ чотыри, або грошей петнадцать; а особливе тые жъ рѣзьники будуть повинни давать отъ кождого быдляти битого на замокъ полгрудины мяса, такъ отъ вола, яко и отъ яловицы, отъ барана и отъ козы, водлугъ старого звычаю; а которые месники зъ селъ до мѣста, до торгу на насъ возятъ, тые потомужъ такій же доходъ повинни давать, водлугъ старого звычаю. А которые мѣщане того мѣста пляцы новые розобрали, нѣкоторые люди прихожіе на будованье и на осѣлость, такъ тежъ которые ся выносити маютъ зъ ринку и въ улицахъ пересели- ватысе будуть, таковымъ людемъ дали есьмо слободы на три лѣта, такъ отъ цын- шу съ пляцовъ и огородовъ и отъ розметовъ мѣтскихъ, застѣнковь мѣстскихь хто ихъ принялъ, маютъ платить до скарбу господарского по тому, яко въ реестрѣ врадовомъ естъ описано и водле уставы имъ даное; а окромъ того платовъ никоторыхъ и иншихъ пожитковъ, заровно зъ мѣщаны полнити мають. Вольности тыхъ мѣщанъ до ловенья рибъ по рѣцѣ Днѣпрѣ, водлугъ обычаю стародавного; але до озеръ сельскихъ никоторого уступу не мѣти; ѣзы тежъ на мѣстцахъ звык- лыхъ, не на рѣцѣ Днѣпрѣ, вольно мѣщаномъ мѣти и забивати перевѣсъ на старыхъ ловищахъ; одно ловечи рибу межы зеремены бобровыми на берегу не ста- новитисе, гонъ бобровыхъ не мѣти и шкодъ никоторыхъ не чинить. По дерево и на будованье и на дрова и на иншіе потребы свое мѣщаномъ до лѣсовое пущи подданыхъ господарскихъ Бабыньскихъ и Зозерскихь, у лѣсь у Дивиньскій вольно уѣждчать и брать; одножъ дерева бортного псовать не маютъ. Тежъ вольно мѣщаномь, ѣздечи по волости, скуповать вшелякіе речи торговые и везти на торгъ свой Оршаньскій; а гдѣ бы на торгу своемъ чого не продали, ино имъ и на обчій торгъ везти и продавать. Сѣножатей тежъ мѣстскихъ урадъ замковый коньми своими не маютъ травить, а ни тежъ сѣна брать; такъ тежъ и гость кождый, чого маетъ урадъ дойзрѣть, абы мѣщаномъ отъ гостя пріѣждчого, яко у потравенью збожъя, сѣножатей, шкоды ніякое не было. Тежъ мѣщане мѣста здѣшнего повин- ни вси и кождый зособна, для обороны въ часъ небезпечности замковой отъ непріятеля господарского, стрѣльбу вшелякую, то есть гаковницы, ручницы и сагайдаки и иную оборону, то естъ рогатину, и што иного ку той оборонѣ належить, у домѣхъ своихъ мѣти, а безъ обороны въ дому своимъ не мѣшкать. Тыежъ мѣщане Оршаньскіе повинни вси острогъ и перекопъ около острога на посадѣ острогско- мъ, водлугъ звычаю стародавнего [...]. Вины на его королевскую милость и врад- ника, вина битая судомъ осужоная полтина грошей; а если только обжаловавшисе зъеднаються, грошей дванадцать, и на томъ, хто еднаетъ, вина злодѣйская три рубли грошей, а иншая всякая вина отъ рубля грошей десять; таковыхъ винъ до скарбу его королевское милости двѣ части, а на врадъ третюю часть вины, которыхъ врадъ на мѣщанехъ господарскихъ слугамъ своимъ выдавати не маетъ; пересуду на врадъ отъ рубля пять грошей, то есть оть десети грошей полгроша; а хто оттяжеться, то одно паметного грошей чотыри дати повиненъ. А дѣцкованья отъ мили грошъ одинъ; вижованого, если зъ мѣстца не поѣдетъ, ино помильное; такъ тежъ отъ пригледанья присеги платити по грошей два, дьяку врадничому отъ суда записного грошъ одинъ, а кому выписъ надобе, другій грошъ за выписъ. Отъ выданья святости до присяги грошъ одинъ, а естли не присягнеть, ино только полгроша виненъ дать. Тежъ и межу на волокахъ къ мѣсту помѣраныхъ, и застѣнковъ, и на сѣножатехъ мѣстскихъ, и о испашу, и о страву войтъ мѣстскій осудить и отъ правовавья межи собою чотыри гроши возьметь, а другую чотыри гроши на врадъ отдасть. Мѣщане въ мѣстѣ мають вжо отъ того часу перестати розрубовъ и розметовъ класти на мѣщанъ господарскихъ, бо вжо мѣщане отъ того вызволены и вынеты суть; а вѣдже, еслибы того розмету пильная потреба указывала, теды мѣщане Оршаньскіе тотъ розметъ за вѣдомостью враду замкового будуть повинни скинути, а личбу поспольству за вѣдомостью врадовою чинити мають. Люди князьскіе, паньскіе и боярскіе, пріѣждчаючіе до мѣста у будъдень, окромъ торгового дня въ недѣлю, товару своего на розно продавати и шинковать имъ не мають, одно [.] момъ спродавать; а купцы пріѣждчіе не мають товары своими межы крамы мѣстскими въ ринку стоять, але каждый нехай въ домъ гостинный ідеть и подлѣ давного звычаю товариство ими торгуеть. Торговое на врадъ маеть быти брано зъ людей пріѣждчихъ на торгохъ, то естъ отъ мѣрки всякого збожья, а отъ солодовъ отъ бочки новое, въ мѣру чотырехъ корцовъ постано- веное, по пенезей чотыри, а отъ корца одного по пенязю, а меньшое всякое торговое водлугъ обычаю звыклого на врадъ брано быти маетъ; тежъ жита, овса, сѣна и дровъ на врадъ замковый мѣщаномъ не давати, и въ подводу по потребѣ врадо- вой, тежъ въ ловы не ходити, и коней своихъ подъ слуги и посланцы врадовые не давати. А къ тому для лѣпшое вольности мѣщанъ господарскихъ, врадъ надъ мѣщаны жадныхъ поборовъ не чинить; а вѣдже злочинцовъ и лихихъ людей водлѣ заслуги ихъ карати, а впорныхъ и неповстягливыхъ до везенья сажати; а иншихъ людей, которые одно коли у вину господарскую упадуть, ино винами небольшими, только водле теперешнее уставы господарское, карати. А ижъ въ мѣстѣ здѣшнемъ войта и лавниковъ никоторого враду мѣстского первей не было, для того великій непорадокъ въ мѣстѣ отъ дворанъ господарскихъ и отъ иныхъ становъ въ бранью стацый, и въ иншихъ речахъ обтяжливость немалая дѣлаласе: ино съ теперешнего постановенья поручено и дано естъ войтовство мѣщанину госпо- дарскому мѣста Оршаньского Василью Михайловичу. А особливе, для лѣпшого порадку и справы, въ мѣстѣ межи поддаными мѣщаны Оршаньскими, установено есть сотниковъ чотырехъ, поручивши кождому на часть подъ справою его милости; прото войтъ маеть во всемъ порадку мѣстского догледати, в слушне а радне справоватисе во всихъ речахъ и потребы мѣстскіе ку враду господарскому мѣстскому доносити, а тые сотники, вмѣсто лавниковъ, всякихъ справь войту допомагать, а ку нему во всемъ послушеньство чинити мають; ведже и войтъ никоторыхъ справъ мѣстскихъ безъ спольное намовы зъ сотниками и зъ иншими мѣщаны готовнѣйшими въ речи посполитой того мѣста становити и отправовати не маетъ; а за працу войту, водле уставы его королевское милости, волока одна, и домъ у мѣстѣ отъ плату вольный наданый естъ. А особливе войтъ повиненъ будетъ пожитковъ господарскихъ при врадѣ жъ завжды пріймовати маетъ; а што ся дотычеть сотниковъ, ино ижъ они меньшую працу, нижь войтъ, маеть, тогды до воли и ласки его королевское милости, вольность кождый зъ нихъ отъ плаченья съ одное полволоки податку господарского зъ волокъ мѣстскихь описаного, одножъ зъ другое половины волоки, водле уставы господарское, до скарбу его королевское милости тотъ податокъ давати будуть повинни; а дли того мають они тыхъ людей у справѣ, дойзрѣнью своемъ мѣти, и потребы ихъ враду доносити, и завж- ды за росказаньемъ врадовымъ въ часъ небеспечности отъ непріятеля господарского и ку кождой потребѣ, такъ ку роботѣ вышеописаной, съ тыми людьми поготову быти. Домъ гостинный въ томъ мѣстѣ Оршаньскомъ мѣщане за листомъ короля его милости зъ вагою и воскобойнею на потребу мѣстскую держати, оборо- чати, который домъ гостинный и вага зъ воскобойнею чинить на рокъ копъ сорокъ Литовскихъ. Вольно тежъ мѣщаномъ пива, меды, горѣлки на свои потребы варити, и медъ сытити, и горѣлку курити; ведже на продажу, одно на веселье дѣвки або сына своего, на хрестьбини и на богомолье; вшакже маетъ таковый кождый арендаромъ, або хто аренду корчомную держать будетъ, оповѣдати; и хто горѣлку курить будеть, абы въ томъ скарбу короля его милости ніякое шкоды не было, и на таковые свадьбы, хрестьбины и на богомолья мѣщаньскія нихто съ козаковъ аль- бо драбовъ до мѣщанъ, свовольне, не будучи прошоными, ходити не маеть. А тые вси цынши и доходы пеняжные будуть повинни мѣщане Оршаньскіе отдавати до скарбу короля его милости въ кождый годъ о светомъ Михалѣ свята Римского, такъ зъ волокъ, яко и съ пляцовъ и огородовъ и иншіе повинности; а хто бы не отдалъ того дѣцкованого гроша одного съ корчомъ мѣстцкихъ Оршаньскихъ, въ которыхъ медъ и пиво шинкують, и отъ горѣлки, которую теперь держить Жидъ Шиманъ Шлиничъ, платитъ зъ нее въ кождый годъ аренды по копъ триста пятьдесятъ. Повинность того мѣста на подводы вси мѣщане мѣста Оршаньского будуть повинни платить, водлугъ уставы его королевское мило сти, на подводы съ кождого дому або воротъ по гроши два, а хто волоку держить [...].Акты ЮЗР. - СПб., 1863. - Т. 1. - С. 251-254.
Еще по теме № 59 1594р. - Уставна королівська грамота Сиґізмунда ІІІ про повинності міщан Оршанських:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -