№ 48 1570, травня 28, Варшава. - Привілей Сиґізмунда Авґуста київським міщанам на право обрання війта
Жикгимонть-Августъ, Божьею милостью король Польскій, великій князь Литовскій, Рускій, Прускій, Жомоитскій, Мазовецкій и иныхъ. Ознаймуемъ тымъ листомъ нашимь, нинѣшнимъ и напотомъ будучимъ, кому того вѣдати або слышати належи.
Ижъ мѣщане мѣста нашого Кіевского, постановившися обличнѣ передъ нами, господаремь, преложили передъ нами: ижъ што водлугъ стародавного звы- чаю за продковъ нашихъ, славное памети светое, королей Польскихъ и великихъ князей Литовскихъ, и тежъ за щастливого панованья нашого таковую вольность мѣли, сами межи собою съ посродку себе мѣщанъ Кіевскихъ войта собѣ обирали, который за обираньемть ихъ, а потверженьемъ нашимъ завжды въ томъ мѣстѣ на- шомъ Кіевскомь будучи, водлугъ права ихъ Майдеборского, наданого имъ съ прод- ковъ нашихъ и зъ ласки нашое имъ потвержоного, ими мѣщаны Кіевскими справо- валъ, судилъ и рядилъ; на што показывали передъ нами листы наши господарскіе съ подписаньемъ руки нашое господарское, которыми листы нашими, за обираньемъ и ознайменьемъ а прозбою ихъ, войтове имъ отъ насъ были потверживаны; и хотечи они зостати при таковой волности своей и на потомные часы, просили насъ покорнѣ, абыхмо имъ въ томъ ласку и прихилность нашу господарскую показали, а при той вольности, которое они зъ давныхъ часовъ за продковъ нашихъ и тежъ за щастливого панованья нашого уживали, зъ ласки нашое королевское, зоставили и заховали. Мы тогды видечи быть того речъ слушную, звлаща бачачи то, ижъ они тое вольности такъ за продковъ нашихъ, яко за щастливого панованья нашого, во вживанью были, прозбѣ ихъ ласкавѣ ся прихиливши, тое мѣсто наше Кіевское и всихъ мѣщань тамошнихъ Кіевскихъ, на тотъ часъ будучихъ и напотомъ пришлыхъ, способу вѣры Латинское, Греческое и Ормяньское наслѣдовцомъ, зъ особливое ласки и щодробливости нашое королевское, при той преречоной вольности ихъ зоставуе- мы, заховываемы, позволямы, привлащамы и даемы на вѣки, такъ, ижъ тые мѣщане наши Кіевскіе, водлугъ стародавного звычаю и вольности своей, мають и будуть мѣти таковую моцъ и вольность нинѣйшого часу и напотомъ пришлого сами межи собою съ посродку себе мѣщань Кіевскихъ, которые подъ правомъ Майдеборскимъ сѣдять, водлугъ воли и подобанья своего, войта собѣ обрати мають; вшакъ же подъ тымъ способомъ, ижъ они, обравши людей добрыхъ, годныхъ, чотырохъ особъ на тотъ урадъ войтовскій, намъ, господару, ихъ оповѣдати и зъ нихъ одного годность черезъ листъ свой залецыть мають, а мы, зъ ласки нашое господарское, зъ оныхъ чотырохъ одного чоловѣка того, которого они намъ черезъ листъ свой годность за- лецатъ и за нимъ просити будуть, того имъ за войта листомъ нашимъ потвердити маемъ; што все тымъ нинѣйшимь привильемъ нашимъ тому мѣсту нашому Кіевскому и всимъ мѣщаномь тамошнимъ Кіевскимъ права ихъ Майдеборского, яко вышей описано, умоцняемъ и потвержаемъ на вѣчные часы, до которого на свѣдецство и добрую вѣдомость печать нашу коронную привѣсити есьмо росказали.Данъ у Варшавѣ, на соймѣ великомь корунномъ Варшавскомъ, дня двадцать осмого мая, року Божого Нароженья тисячного пятьсотного семдесятого.
Данъ черезъ руки и справу велможного Валентого Дебинского, зъ Дебянь, канцлера великого короны Польское. - Sigismundus Augustus гех.Акты ЮЗР. - СПб., 1863. - Т. 1. - С. 172.
Еще по теме № 48 1570, травня 28, Варшава. - Привілей Сиґізмунда Авґуста київським міщанам на право обрання війта:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -