№ 5 1558 р., липня 20. - Королівська грамота Сиґізмунда Августа про повернення князеві Валеріану[498], єпископові Віленському, селян-утікачів
Жикгимонтъ Августъ, Божою милостью король Полскій, великій князь Литовскій, Рускій, Прускій, Жомоитскій, Мазовецкій, Лифлянтскій и иныхъ, княземъ, паномь воеводамъ, кашталяномъ, старостамъ, княгинямъ, панямъ, вдовамъ, земяномъ и, дворяномъ нашимъ, и тежъ врядникомъ нашимъ господарьскимъ, и князьскимъ, панскимъ, и духовныхъ, въ панствѣ нашомъ великомъ князьвствѣ Литовскомъ.
Мовилъ намъ князь Валеріянь, бискупъ Виленскій, о томъ, штожь дей подданные его милости отчизные, костелные, имѣнья его милости Видско- го, прочъ ся розышли и мѣшкають дей въ мѣстехь и волостехъ нашихъ госпо- дарьскихъ, и тежъ въ имѣньяхъ и селахъ вашихъ; а вы ихъ его милости выдати и справедливости зъ ними учинити не хочете, къ немалой кривьдѣ и шкодѣ его милости: и просилъ насъ, абыхмо листъ в дворянина нашого на то его милости дати велѣли. А такъ мы для того послали тамъ дворянина нашого, и гдѣ бы кол- векъ оные люди его милости костелные, отчизные, за симъ листомъ и дворяниномъ нашимъ найдены были, а зналибыся они властными отчизными его милости, приказуемъ вамъ, абы есте тыхъ людей зъ жонами и зъ дѣтьми и со всими статки и маетностями ихъ, съ чимъколвекъ будутъ до мѣстъ и волостей нашихъ и до имѣней вашихъ зашли, предъ тымъ дворяниномъ нашимъ его милости выдавали; а естли бы ся они отчизными его милости быти не знали, вы бы на нихь право дали и справедливость зъ ними учинили передъ тымъ же дворяниномъ нашимъ, безъ кождое отволоки, и съ права за виннымъ ничимъ не стояли конечьно. Писанъ у Городнѣ, лѣта Божьего 1568, месяца іюня 20 дня.Акты ЮЗР. - СПб., 1863. - Т. 1. - С. 162-163.
Еще по теме № 5 1558 р., липня 20. - Королівська грамота Сиґізмунда Августа про повернення князеві Валеріану[498], єпископові Віленському, селян-утікачів:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -