№ 4 1557 р., квітня 1. - Устава про управління королівських волостей (Устава на волоки)[488]
1. О боярахъ путныхъ и о служкахъ. Бояре путные, стародавные, а не въкуп- ные хочемъ мѣти, абы были на двухъ волокахъ постановлены, съ которыхъ бы за вси повинности, пѣнязми ошацовавши водлѣ кгрунту, яко люди осадные платили, а на службу тяглую и въ подводы ходити неповинни; а коли зъ росказанья нашого на дорогу поѣдуть, того году ничого платити не мають, а безъ воли и росказанья нашого, вряду нашому ихъ на дорогу и нигдѣ не посылати; а будучи на дорозѣ, служити имь по старому: навязка имъ, яко и передъ тымъ, водлъ статуту.
Служокъ съ такихъ же бояръ ревизоры обирати, и не болшъ, только съ потребу, при кож- домъ замку и дворѣ нашомъ зоставити мають; которыхъ служба будетъ ѣздити зъ листы нашими до дворовъ тому врядови прилеглыхъ, и съ пънязми платовъ нашихъ до Вильни, до скарбу, и за кривдами подданыхъ колеею зъ росказанья врядового ѣздити; а за то имъ на одинъ конь двѣ волоки вольныхъ отъ всихъ платовъ мѣти, и на потребу вряду ѣздити не повинни [...].5. О слугахъ дворніхъ. Одверные и иньшые слуги дворные, мъшкаючи на послугахъ нашихъ, мають мѣти по двѣ волоки вольныхъ отъ всихъ платовъ и повинностей; а которые на службахъ нашихъ не будуть, абы платили съ кождоѣ волоки пѣнязми водлѣ кгрунту, ошацовавши вси повинности; а естли бы зъстарѣвшися на службахъ нашихъ, дома мѣшкали, таковымъ обѣ - двѣ волоки вольныхъ мѣти, вѣдьже олижъ за листомъ нашимъ господарьскимъ.
6. О осочникахъ1. Ревизоръ зъ лѣсничимъ маетъ осочниковъ обирати, а не болшъ, одно съ потребу при пущахъ и ловѣхъ нашихъ становити, и то намъ господарю ознаймити, а на службу имъ по двѣ волоки давати вольныхъ отъ цыншу и всякихъ потяглей.
7. О войтахъ. На селахъ войтове маютъ мѣти по одной волоцѣ вольной; а похочетъ ли, маетъ ему и другая быти придана на цыншу, ошацовавши вси повинности и доходы водлѣ кгрунту.
А служба ихъ то: зъ росказанья врядового, людей на роботу, тежъ съ цыншы и съ платы нашими выгоняти, и при отдаванью платовъ быти; подданыхъ нашихъ къ праву вмѣсто дѣцкого[489] [490] передъ урядомъ ставити; при роботахъ всякихъ вмѣсто пристава надъ людми войтовства своего стояти; при отвоженью овсовъ и сѣнъ до Вильни и индѣ, зъ людьми войтовства своего ѣздити и ихъ отдавати; переоры волокъ пустыхъ и нанятыхъ, стѣны границы и копцы на кождый рокъ межи поддаными нашими поправовати и поновляти, подъ виною, копою грошей; а гдѣ бы отъ которого сусѣда видѣлъ копцы альбо границы покажоны, маетъ то врядови оповѣдати, подъ тоюжъ виною. А судити вряду под- даныхъ о всемъ дня торгового, кромѣ причины кровавоѣ и кгвалтовноѣ: о такой винѣ коли жъ кольвекъ повелитъ урядъ ставити къ праву подданого, войтъ повиненъ; а который бы съ подданыхъ войта послушенъ не былъ, а запозваньемъ его передъ урядомъ не сталъ: по такового своевольного врядъ дѣцкого послати маетъ, и отъ непослушного дѣцкованья на милю въ обѣ стороны грошъ. А при судѣ войту быти, и справедливости подданому допомогати. Винъ нашихъ вѣдомость мѣти и ревизоромъ оповѣдати, и того стеречи, абы врядъ винъ и пересудовъ надъ уставу не бралъ; а естли бы за мовеньемъ его, врядъ того не пересталъ, маетъ то войтъ ревизору оповѣдати. А войта вряду о всякую вину судити, только войтовства у него не отнимати, ажъ посполу зъ ревизоромъ дознавши вину и неслуш- ную справу его, и, того скинувши войта, иньшого уставити, мужа тоѣжъ волости, неподозрѣного, на которого подданые зволятъ. Которые войтове и тежъ лавники по селамъ судовь, жадныхъ судити, поклоновъ вымогати и вымысловъ надь поддаными чинити не маютъ, подъ виною до скарбу нашого, рублемъ грошей: одно, обачивши гдѣ - кольве шкоду вашу господарьскую, урядови або ревизору оповѣдати, никого не закриваючи, подъ тоюжъ виною. А коли войтовство кому дають, присѣгати ему ненадобѣ, кгдыжъ вже вина на войта описана. А откуповъ урядъ съ подданыхъ за роботу брати не маетъ, а гдѣ жъ бы бралъ, войть маетъ то ревизору оповѣдати, подъ виною, копою грошей. А естли бы войтъ волоку пустую кому нанялъ, альбо отъ уряду нанятую передъ ревизоромъ утаилъ, тогды за то скарати его, яко злодѣя, горломъ. А у войтовство кождому маетъ быти придано волокъ сто, альбо большъ, водлѣ прилеглости, хотя два и три села и большъ злучити. А для розознанья межи подданыхъ, войтъ маетъ мѣти шнуръ однакоѣ мѣры, справлевый и досвѣтченый, и часу мокрого, альбо сухого, завжды его лихтовати и досвѣтчати; и, естли подданый одинъ другому межу переоретъ и сказитъ, ино вряднику на копу не ѣздити и проѣзду не брати, але войтъ межу направить и воз- метъ на томъ, хто ее сказилъ, на врядъ дванадцать грошей, а собѣ за працу чотыри грошы. А вина битая, правомъ переведеная, дванадцать грошей, а хотябъ не переведена и за обжалованьемъ поеднана, таковая жъ вина. А естли бой станется, а не жалуючи вряду поеднаются: тая вина шесть грошей, хто еднаетъ, и объявити того врядови войтъ и лавники повинне, подъ виною, копою грошей.8. Лавники[491] въ селахъ по два и по три, альбо в большъ, подлѣ великости села, мають быти становленої, люди неподозрѣные, вѣры годные, которыхъ повинность шкодъ межи подданыхъ въ испасехъ и въ иньшихъ рѣчехъ оглѣдати, а за працу лавнику оглядного отъ шкоды грошъ; за тымъ же грошомъ, то што ему оказывано, справедливѣ, подъ присѣгою передъ урядомъ сознавати повиненъ; а посвѣтчить ли несправедливѣ, ино карати его, за слушнымъ доводомъ, яко кривоприсяжна, горломъ. А безчестья лавнику рубль грошей. Нижьли отъ потяглей и всякихъ повинностей съ поддаными зъ волокъ своихъ вызволены быти не маютъ.
9. О містіхъ и ихъ повинностехъ. Мѣста упривильеваные привильевъ своихъ уживати будутъ; а которые не вызволены отъ платовъ, мають платити: зъ волоки кгрунту преднего цыншу 50 грошей, а зъ среднего кгрунту 40 грошей, а зъ подлого 30 грошей, а со всякого кгрунту за толоки по 12 грошей; а зъ домовъ въ рынку, отъ прута по пол - 8 пѣнязя, а въ улицахъ отъ прута 5 пѣзнязей, зъ огородовъ въ мѣстѣ отъ прута пол - 3 пѣнязя, а зъ гуменныхъ пляцовъ на предмѣстью отъ прута одинъ пенязь, а отъ моркгу[492] 3 грошы, а иньшихъ повин- ностей полнити, и стацыи[493] [494] давати, и зъ листы нашими и врядниковъ нашихъ ѣздити неповинни. А войту мѣстскому при болшомъ мѣстѣ по волоцѣ, а при меншомъ по полволоки ревизорове наши давати маютъ, за што они повинни будутъ порядку въ мѣстѣхъ и пожитковъ нашихъ примножати и доглѣдати, на подводы складатися и платити всимъ по тому, яко въ особливой уставѣ нашой описано. 10. Капщизна1 однакова по всему великому князьству Литовскому маетъ быти брана, то есть: отъ меду - копа грошей, отъ пива - копа грошей, отъ горѣлки - 30 грошей; а при отбиранью кашцизны и вписыванию въ реистръ, хто ново прій- метъ врядъ, не большъ брати маетъ, только отъ меду и отъ пива - по чотыри пѣнязи, отъ горилки - 2 пѣнязи, отъ волоки - 12 пѣнязей; а хто шинку и волоки не маетъ, тотъ отъ воротъ маетъ дати 2 пѣнязи; а обачивши лѣпшый пожитокъ зь наймованья шинку, вольно будетъ кому хотя наняти, або тымъ же мѣщаномъ, за вѣдомостью подскарбія нашого. 13. Корчмы покутные конечнѣ по селамъ абы не были, для злодѣйства и инь- шыхъ збытковъ, што врядъ забороняти маетъ водлѣ статуту; также пива абы них- то съ подданыхъ нашихъ на селахъ варити не смѣлъ, подъ виною копы грошей на насъ: бо съ того многіе зъ нихъ въ роспустность и въ убожьство приходять. Вѣдьже въ кождомъ войтовствѣ, въ слушномъ селѣ, звлаща при гостинцу, можетъ быти корчма за вѣдомостью вряду альбо ревизора постановлена, одно такъ, яко бы капщизна наша не гинула, съ котороѣ подданымъ нашимъ кгрунтовъ шинков- ныхъ уживати незаборонно [...]. 14. Торги нигдѣ новые подлѣ містъ нашихъ ближе трехъ миль, къ переказѣ мѣстомъ и торгомъ нашимъ абы не были, окромъ торговъ старыхь: тыи по давно- му быти мають. 15. Цыншу зъ волоки сельскоѣ кгрунту доброго 21 грошь, зъ середнего - 12 грошей, съ подлого - 8 грошей, а зъ вельми подлого песковатого альбо болотистого - 6 грошей; овса зъ волоки доброго и середнего кгрунту по двѣ бочки, а съ подлого - одна бочка; а естли пѣнязми за овесъ казано будеть давати, ино за кождую бочку 5 грошей, а за отвозъ бочки кождоѣ 5 же грошей; съ тыхъ же менованыхъ кгрунтовъ, съ кождоѣ волоки сѣна возъ одинъ, альбо 3 грошы за сѣно и за отвозъ 2 грошы; а зъ вельми подлого кгрунту сѣна и овса давати неповинни, нижли сь кождоѣ волоки всякого кгрунту мають давати: гусь, альбо полтора гроша, куръ двое, або пѣнязей 16, яицъ двадцать, або пѣнязей 4, на неводы грошей два, за стацью грошеи полтретья; а коли стацыю кажемъ брати, ино одинь разъ, въ годъ, за тые пѣнязи, мають давати съ тридцати волокъ яловицу одну, бараны два, и съ кождоѣ волоки по куряти и по десяти яицъ, а пѣнязей вже того году за стацыю не мають давати. 16. Робота тяглымъ людемъ съ кождоѣ волоки по два дни на недѣлю, а толоки чотыри лѣтѣ, съ чимъ скажутъ, за што маетъ быти отпущона имъ робота о Божьемъ Нароженьи тыждень, о мясопустѣхъ тыждень, о Великодни - тыждень. А которыхъ на роботу не надобѣ, ино ихъ на осадѣ посадити, и будутъ давати съ кождого кгрунту осады грошей 30, толокъ - 12, або за толоки грошей 12, а за кгвалты первоуставленые жыта бочка, альбо грошей 10; и вже такіе осадники робити ничого неповинни, кромъ сѣна, роздѣливши на войтовства тяглые и осадные сѣножати ровно, и то имъ зробити и въ часъ спрятати. А зъ застѣнковъ тая повинность: гдѣ, волока полная быти не можетъ, ино отъ моркгу кгрунту доброго грошей 3 и пѣнязи 4, а зъ среднего моркгу грошей 3, а съ подлого грошей - 2, а зъ велми подлого пол - 2 гроша; а зъ волоки сѣножатноѣ, гдѣ могутъ быти дрова и проробки, зъ сѣножати добрые - 50 грошей, а зъ середніе - 30 грошей, а съ подлые - 20 грошей, а зъ велми подлые болотливые або песковатые - 15 грошей. А ижъ вже подданые наши на тыхъ платѣхъ и повинностехъ волочныхъ суть осажены и постановлены, про то жадныхъ стацый давати, а ни подниманья чинити на послы паши и чужоземскіе неповинни. 17. Огородники* при дворахъ нашихъ маютъ быти, даючи кождому по три моркги земли, а имъ съ того служити по одному дню въ тыждень пѣшо, а жоны ихъ, лѣтѣ, не болшь, одно шесть дней до жнива, альбо до полотья будутъ повинни [...]. 19. Серебщизна[495] [496] на подданыхъ нашихъ абы николи отъ воловъ и клячь не брана, одно зъ волокъ, ино съ кождоѣ волоки, не уживаючи розности кгрунту, доброго и подлого; а зъ Рускихъ волостей серебщизна по старому, и тамъ, гдѣ помѣры нѣтъ. 20. Робота подданымъ черезъ войта маетъ быти заказана дня недѣлного, съ чимъ и на который день люди до роботы прійти мають, и войтъ тогожъ дня людемъ закажетъ роботу: и который чоловѣкъ не выйдетъ на роботу, ино за первый день огурного заплатитъ грошъ, а за другій день - барана; а коли и въ третій разъ огурится, або за пьянствомъ не выйдетъ, ино бичемъ на лавцѣ скарати, а дни повинные велѣти заробити. 21. Пустыхъ волокъ подданымъ не пахати, а который, не вписавшися въ ре- истръ, смѣетъ то вчинити, збожье до гумна нашого тратитъ, в вины рубль грошей до скарбу нашого заплатитъ. 22. А становитися къ роботѣ подданымъ, якъ слонце всходитъ, а сойти зъ роботы, якъ слонцу заходити. А отпочивку тымъ, што съ быдломъ робятъ, передъ обѣдомъ година, въ полудню година, надъ вечеромъ година; а которые пѣшо робятъ, тымъ отпочивку въ тые-жъ часы, одно по полгодины маетъ быти, а то лѣтѣ на великомъ дни отпочиненье. А хто рано на роботу не выйдетъ за огурствомъ, таковый другого дня только часовъ, колько омѣшкалъ, заробити маетъ. 23. Фолварки хочемъ мѣти, абы вездѣ становленої были, а наболши быти мо- гуть при кождыхъ замкахъ и дворѣхъ нашихъ, окромъ, гдѣ бы кгрунты злые и непожиточные были, в таковые казати людьми осажати, оставивши на врядъ въ кождомъ поли по одной волоцѣ, а то врядъ огородники и своимъ быдломъ заробити маетъ, а къ тому моргъ земли на огородъ, съ чого личьбы чинити и платити неповиненъ [...]. Акты ЗР. - СПб., 1848. - Т. 3. - С. 72-95.