№ 15 1399 р., серпня 12. - «Сказання про битву на Ворсклі» за Супрасльським літописом[92].
В лѣто 6906[93] бысть побоище князю великому Витовту з Темир-Куклуем[94] царем. Князь же великий Витовт Кестутевич литовский собра воя много безчисленно, и царь Тахтамиш[95] з ним, своим двором, и литва, и немци, и ляхи, и же- моит, татарове и волохи, и поляне, и с ним бъ князей, и бысты сила ратных многа зѣло.
И всими сими полкы вооружився поиде на царя Темир-Куклуя. И похвалися на орду Витовт, глаголаше: «Пойдем, попленим землю татарскую, победим царя Темир-Куклуя и возьмем царство его, посадим царя Тахтамиша, и он мя посадит на всю землю руськую, и потом на всем». И поидоша татар воевати. В то же врѣмя приспи Темир-Куклуй, царь, со многими полки ратными и со князми своими ордынскими. И стретошася с Витовтом в поли на рецѣ на Ворсклии. И бысть бой велик месяца августа 12, во второк, и надолзе вельми биющимся им, и попусти Бог татаром. Князь же великий побѣже во мале дружине. И царь Темир-Куклуй тогда приде ко граду ко Киеву, и взя с града окуп 3000 рублев литовских, и силу свою роспусти по Литовской земли, и воеваше татарове даиже и до Великого Луцька, и много сотвориша земли Литовской, и отыде во свою землю.А се имена избиенных князей литовских: князь Андрѣй, полоцкий Оли- гирдович[96], брат его Дмитрей брянский[97], князь Иоанн Дмитрович Кындыр, князь Андрѣй, пасынок Дмитреев; князь Иоанн Евлашекович, князь Иоанн Борисович киевский, князь Глеб Святославич смоленский, князь Лев Корятович, брат его князь Семен, князь Михайло Подберезькый и брат его, князь Олександро, князь Михаило Данилович, брат его, князь Дмитрей, князь Феодор Патрыкиевич во- лыньский, князь Ямонтович, князь Иоанн Юревич бельский, князь Выспытко краковский.
Супрасльская летопись // ПСРЛ - Т. 35: Летописи белорусско-литовские. - М., 1980. - С. 52; Українська література XIV-XVI ст. / Під ред. В. Микитася. - К., 1988. - С. 76.