№ 1 Після 1444 р. - Свідчення королівського слуги Василя Микулинича королеві Казимиру Яґеллончику про повинності, які відбувало колись с. Брушани

Господину господару, великому королю слуга твой Василей Микулиничъ твоее милости, господару своему, низко чоломъ бьетъ. Што твоя милость пи­шешь, господаръ мой, до мене о тыхъ людѣхъ о Брушанѣхъ, о пошлинахъ, ино я, господару, Олькирда не помню, помню князя великого Витовта, дядю твоего; и то, господару, помню: давывали пятдесятъ куницъ княгини великой Витовтовой, съ дыма по куницы, а по тры гроши житщины, а въ кухню по курети и по десети яецъ и по полгроша; а бобровникъ одинъ съ конемъ и со псомъ, а дохода ему грошъ; а къ жниву три дни, и на яръ трижъ дни, а сѣна четыры стырты ставать, и на Усоячи ѣзъ забивають старына жъ, а варейнинахъ не бывало, то имъ, господару, новина жъ, а подъ наместники у подводахъ не хоживали; хоживали подъ княземъ великимъ Витовтомъ дяди твоего отъ Витебска до Смоленска, а отъ Смоленска до Полоцка; а о суды межа, головщина, о сокольее гнѣздо, о бобры, зъ еремя; а то суживали на городѣ намѣстники твои.

Акты ЮЗР. - СПб., 1863. - Т. 1. - С. 17.