№ 3 1509 р., лютого 18. - Дві жалувані грамоти короля Сиґізмунда I княгині Настасії Слуцькій: на маєток Кокоричі і на двір Лишків
I. Жикгимонтъ, Божъею милостью король Польскій, великій князь Литовскій, Рускій, Прускій, Жомоитскій, Мазовецкій и иныхъ. Чинимъ знаменито симъ нашимъ листомъ, хто на него посмотритъ, або чтучи его вслышить, нинъшнимъ и напотомъ будучимъ, кому будетъ потребѣ того вѣдати.
Били намъ чоломъ кнеги- ни Семеновая Михайловича кнегини Настасья Слуцкая и просила въ насъ людей нашихъ подъ Слуцкомъ, подлѣ Копыля, имѣнья на имя Кокоричь и къ тому тежъ дворца того жъ имѣнья Воробьевичь, который жъ держалъ зрадца нашъ Якубъ Ивашенцовичь. Ино мы зъ ласки нашое то вчинили, тое именье Кокоричи и съ тымъ дворцомъ Воробьевичи кнегини Семеновой Михайловича кнегини Настасьи дали, вѣчно, ей и ее дътемъ и ихъ ближнимъ, и потомъ будучимъ ихъ щад- комъ, со всеми людьми путными и тяглыми того имѣнья, и со всими землями, пашными и бортными, и зъ сѣножатьми, и зъ боры, и лесы, и зъ дубровами, и зъ гаи, и съ озеры, и зъ рѣками, и зъ рѣчками, и зъ бобровыми гоны, и даньми грошовыми и медовыми, и куничными, и зъ дяклы, и службами тыхъ людей, и со всимъ правомъ и панствомъ, такъ долго и широко, какъ ся тое имѣнье Кокоричи и тотъ дворецъ Воробьевичи съ стародавне въ своихъ ся границахъ мають, и какъ тотъ зрадца нашъ Якубъ держалъ, ничого на васъ и на ваши наслѣдки не оставляючи; вольна кнегини Семеновая Михайловича кнегини Настасья Слуцкая и ее дѣти и ихъ ближніи, и напотомъ будучіи ихъ щадки тое верху писаное имѣнье Кокоричи и тотъ дворецъ Воробьевичи отдати, и продати, и замѣнити, и розширити, и къ своему вжиточному и лѣпшому обернути, какъ сами налѣпей розумѣючи. А на твердость того и печать нашу казала есьмо привѣсити къ сему нашому листу. При томъ были панове рада ваша: воевода Троцкій, панъ Миколай Миколаевичь Радивиловича, а староста Городеньскій панъ Станиславъ Петровичъ, и воевода Полоцкій панъ Станиславъ Глъбовичъ и иные панове рада наша. Писанъ въ Городнѣ, въ лѣто 7017, мѣсяца Февраля 18 дня, индикта 12.У заголовку акта зазначено: Привилей кнегини Семеновой Михайловича кнегини Настасьи Слуцкой на имѣнье подъ Слуцкомъ подлѣ Копыля, названое Ко- коричи, и дворецъ Воробьевичи, по зрадцы Якубу Ивашенцовичу, на вѣчность.
II. Жикгимонтъ, Божъею милостью король Польскій, великій князь Литовскій, Рускій, Прускій, Жомоитскій, і Мазовецкій а иныхъ. Била намъ чоломъ кне- гини Семеновая Михайловича кнегини Настасья Слуцкая о томъ, што перво сего дали есьмо ей дворъ нашъ Лишковъ зъ дворцомъ того жъ двора Лишковского Вейсеями, который же дворъ держалъ зрадца нашъ Михайло Глинскій, и просила насъ, абыхмо ей тотъ дворъ дали держати до ее живота. Ино мы зъ ласки нашое, на причину пановъ радъ нашихъ, тотъ дворъ Лишковъ и съ тымъ верху писанымъ дворцомъ Вейсеями, и со всими людьми служебными и тяглыми, зъ землями пашными и бортными и съ сѣножатьми, и зъ лѣсы, и ловы, и съ озеры, и челедью неволною того двора, и зъ данью грошовою и медовою, и куничною, и со всими иными поплатки, и со всимъ потому, какъ тотъ зрадза нашъ Михайло Глинський держалъ, дали ее милости держати до ее живота; и на то есьмо ее милости дали сесь вашъ листъ зъ нашою печатью.
Писанъ въ Городнѣ, Февраля 18 дня, индикта 12. - Правилъ воевода Троцкій панъ Миколай Миколаевичъ Радивиловича, а воевода Полоцкій панъ Станиславъ Глѣбовичъ.
У заголовку акта зазначено: Привилей той же кнегини Семеновой Михайловича на дворъ Лишковъ зъ дворцомъ Вейсеями, до ее живота.
АктыЮЗР. - СПб., 1863. - Т. 1. - С. 37.