№ 26 1501 р., лютого 15. - Уставна грамота великого князя литовського Александра мешканцям Волинської землі
Во имя святыя Троица станься. Мы Александръ, Божъю милостью великій князь Литовскій, Рускій, Жомоитскій и иныхъ. Чинимъ знаменито симъ нашимъ листомъ, хто на него посмотрить або чтучи его услышить, кому жъ то потребъ будетъ вѣдати.
Били намъ чоломъ духовные, владыка Володимерскій и владыка Луцкій, князи и панове, и земяне, и вся шляхта Волынское земли, абыхмо держали подлѣ права ихъ земли, какъ были за отца нашого короля его милости; и мы на жеданье ихъ то вчинили, тыхъ правъ, которые жъ они маютъ, какъ было за отца нашого, имъ не рушаемъ: што отецъ нашъ далъ имъ листъ свой, ижъ староста и наместники наши не мають на нихъ дѣцкихъ своихъ слати первымъ разомъ коли на кого жалоба прійдеть, нижли перво листомъ идучимъ обослати; а коли на два листы не станеть, тогды мають дѣцкого послати; и тежъ коли который слуга або человѣкъ князкій або паньскій, а любо земяньскій убъеть кого, ино старосты и наместники наши на нихъ головщины[142] бирали, и отецъ нашъ то имъ отложилъ и листъ отца нашого на то мають. И мы, подлѣ листа нашого отца, такежъ то имъ откладаемъ, не хай они зъ слугь и людей своихъ, хто въ головщину владеть, сами головщину на слугахъ и на людѣхъ своихъ беруть, а старостѣ и намѣстникомъ нашимъ не надобѣ зъ ихъ слугъ и людей головщины брати. Такежъ князей и пановь, и земянъ старостѣ нашому злыми словы ихъ не соромотити, и въ казнь и въ вежу ихъ не сажати; естли бы который противни, што князь або панъ и земянинъ, ино старостѣ насъ обослати: какъ мы навчимъ листомъ або посломъ нашимъ, штобы мѣль съ тымъ вчинити, ино ему подлѣ науки нашое вчинити. Такежъ били намъ чоломъ и жаловали, ижъ староста и намѣстники наши вины и заруки ихъ берутъ и на ихъ людей, и людей ихъ судять и радять: ино мы имъ и тое отпустили, старостѣ и намѣтникомъ нашимъ винъ и зарукъ на нихъ самыхъ и на ихъ людѣхъ не брати, а людей ихъ не судити и не радити, судити имъ самымъ люди свои и вины брати кождому зъ своего чоловѣка; нижли кому, хто заручить колко копъ на насъ, а тая бы зарука доведена была на кого бы справнымъ доводомъ, ино то естъ въ нашой воли; а далей старостѣ на замку нашомъ судити князскихъ и паньскихъ, и земян- скихъ людей. Што ся дотычеть розбою приличного, кгвалтъ и всилство панское и паней, шляхецкая рана, пожога, обыся злодійство не множило; а злодія приличного, гдѣ коли имуть на чіемь имѣнью, тамъ же его мають и судити, тамъ же маеть и каранъ быти, подлугъ давного обычаю; а поличное тому, на чіемъ иміньи его пои- маютъ; а приличного злодѣя не пускати, а хто бы его пустилъ або на окупъ далъ, а на его бы доводъ былъ справный вчиненъ, тотъ маетъ вину заплатити по давному, каки и прежъ того бывало. А слугамъ Старостинымъ, ѣздячи по лѣсомь, зарукъ не заручати, нижли бы хто хотѣлъ на чіе имінье моцно наѣхати, а любо кого забити, а онъ будеть заручати и на то доводъ вчинитъ, то естъ справная зарука. Такежъ жаловали намъ о ярмарки о Жидичинскіе и о Дорогобужскіе, што староста да- еть отъ себѣ тые ярмарки слугамъ своимъ въ жалованье намѣсництва по годомъ держати, и тые дей его намѣстники самыхъ ихь и людей ихъ на тыхъ ярмаркахъ судять и радять, и погварные заруки и вины на ихъ людѣхъ беруть; ино мы тыми разы то вставляемъ подъ тою мѣрою: на ярмарки старостины наместники мають ѣздити по давному, а людей ихъ одинъ намѣстникъ не маеть судити, маеть тотъ, чій человъкъ судьею собѣ зъ своее руки посадити которого земянина обобравши, а потварнымъ зарукамъ и свѣдкомъ не вѣрити; а которого злодѣя имуть на ярмар- кохъ або въ городѣ въ мѣстѣ нашомъ, зъ лицомъ заслужилъ шибеницы, ино на ши- беницу, а если не заслужилъ шибеницы, ино кому шкода, тому заплатить, а вина тому, чій человѣкъ. Тежъ што есмо подавали княземъ и паномъ Волыньскимъ новые торги, ино дей мыта беруть въ тыхъ торзехъ съ князскихъ и паньскихъ людей брати, нижли мають мыта старые давати, гдѣ и передъ тымъ будуть даивали. Такежъ били намъ челомъ: што которые церковные, князьскіе и паньскіе, и земяньскіе люди хоживали на роботу къ нашимъ замкомъ и дворцомъ орати и жати, и сѣна косити, и мы то имъ отпустили; а далей который князь або панъ, або земянинъ, стоячи у праві передъ старостою або передъ намѣстники нашими, а отзовется до насъ господара наивышшое право, ино старостѣ и иамѣстникомъ нашимъ того имъ не забороняти, а намъ ихъ пускати, рокъ положивши, коли мають передъ нами стати; а князя и пана, и земянина старостѣ и намѣстникомъ нашимъ одному ихъ не судити, маеть при собѣ посадити князей и пановъ, и земянъ, тоже маеть его зъ ними судити. А то имъ маемъ всѣ держати тые члонки, што въ семъ нашомъ листѣ верху стоить выписаныи, до тыхъ часовъ, покій права статуты въ сей земли отчизнѣ нашой великому князству Литовскому вставимъ; а коли права статута у въ отчизнѣ нашой уставимъ, тогды вси земли наши одного ся права держати мають и од нымъ правомь сужоны будуть, подлѣ статуту. [...]Акты ЮЗР. - СПб., 1863. - Т. 1. - С. 27.
Еще по теме № 26 1501 р., лютого 15. - Уставна грамота великого князя литовського Александра мешканцям Волинської землі:
-
Давня історія України (до VI ст.) -
Загальна історія України -
Україна 1917-1921 рр -
Україна за радянських часів -
Україна у XVI - XVIII стст. -
Україна у середні віки (VII-XV ст.) -